PrintClose

ڪراچي: ڪراچي ۾ نوجوان نقيب الله محسود جي ڪيس ۾ معطل ٿيل ايس ايس پي رائو انوار جاچ ڪاميٽي تي بي اعتمادي ظاهر ڪندي پيش ٿيڻ کان انڪار ڪري ڇڏيو آهي، هڪ خانگي ٽي وي سان ڳالهائيندي رائو انوار چيو ته ثناءُ الله عباسي ۽ سلطان خواجا تي مونکي اعتبار ناهي، سموريون حقيقتون ڄاڻڻ باوجود مون سان رابطو ناهي ڪيو، هن چيو ته مان جاچ جي لاءِ آيو هئس، جنهن پارٽي پوليس مقابلو ڪيو ان کي به وٺي آيو هئس، ڊي آءِ جي ڏکڻ جي آفيس ۾ 4 ڀيرا آپريٽر سان رابطو ڪيو پر نه گهرايو ويو، هاڻي وري چيو وڃي ٿو ته رات جو 11 وڳي پيش ٿي، آئون ڊي آءِ جي ڏکڻ جي آفيس ۾ پيش نه ٿيندس، هڪ سوال جي جواب ۾ هن چيو ته سڀاڻي پيش ٿيندس يا نه ان بابت فيصلو ناهي ڪيو. هوڏانهن جاچ ڪاميٽي جي ميمبر ڊي آءِ جي سلطان خواجا چيو آهي ته رائو انوار غلط بياني ڪري رهيو آهي، ڪاميٽي هن کي بار بار گهرايو پر هو پيش نه ٿيو.