PrintClose

اسلام آباد (بيورو رپورٽ) وزيراعظم جو ناٺي ڪيپٽن (ر) صفدر جي آءِ ٽي آڏو پيش، 5 ڪلاڪ پڇاڻو، هن چيو ته ٽيم ٻاهرين پرچين تي سوال پڇي ٿي، رپورٽ موجب وزيراعظم نواز شريف جي ناٺي ڪيپٽن (ر) صفدر ڪالهه 11 هين وڳي جوڊيشل ڪامپليڪس پهچي پاناما جاچ ٽيم آڏو پيش ٿي 5 ڪلاڪن تائين سوالن جا جواب ڏنا، جنهن کانپوءِ ڪامپليڪس ٻاهران ميڊيا سان ڳالهائيندي هن چيو ته پاناما ڪيس ملڪ کي ائٽمي طاقت بڻائيندڙ نواز شريف لاءِ نه پر نظريه پاڪستان خلاف آهي، ڪيپٽن صفدر چيو ته آئين ۽ نظريه پاڪستان خلاف سازشون ڪندڙن کي تاريخ ڪڏهن به معاف نه ڪندي، عمران خان سازش کان پاسو ڪري، هن وڌيڪ چيو ته اسين 73ع جي آئين جي حفاظت لاءِ ميدان ۾ بيٺل آهيون، ڪيپٽن صفدر چيو ته سڄي رات قصو ٻڌايو، صبح تي پڇيو ويو ته ذليخان ڇوڪري هئي يا ڇوڪرو، اخلاقي طور تي مون کي اندر جون ڳالهيون ٻاهر نه ڪرڻ کپن پر مون کان ٽيم پاران پڇيا ويندڙ سوال ٻاهران اچي رهيا هئا، جاچ ٽيم ٻاهران ايندڙ پرچين تحت مون کان سوال پڇندا رهيا.