PrintClose

اسلام آباد(م ڊ) ايل او سي ۽ ورڪنگ بائونڊري تي ڀارتي فورسز جي بنا اشتعال فائرنگ ۽ گولا باري جو سلسلو بدستور جاري آهي، جنهن جي نتيجي ۾ مقامي عورت سميت 2 ڄڻا شهيد ۽ 3 زخمي ٿي پيا، جنهن بعد ڀارتي ڊپٽي هاءِ ڪمشنر جي پي سنگهه کي پنجون ڀيرو طلب ڪري شديد احتجاج ڪيو ويو، آچر ڏينهن پرڏيهي آفيس جي ترجمان ڊاڪٽر محمد فيصل پنهنجي هڪ بيان ۾ چيو ته ايل او سي ۽ ورڪنگ بائونڊري تي 20 ۽ 21 جنوري تي ڀارتي فورس جي بنا اشتعال فائرنگ ۽ گولاباري جي نتيجي ۾ مقامي عورت سميت هڪ شخص شهيد ٿي ويو، جڏهن ته 2 ڄڻا زخمي ٿي پيا، جنهن بعد ڀارتي ڊپٽي هاءِ ڪمشنر جي پي سنگهه کي فوري طور تي پرڏيهي آفيس طلب ڪيو ويو ۽ کيس آگاهه ڪيو ويو ته ڀارتي فورسز جنگ بندي جي لڳاتار خلاف ورزي ڪري رهي آهي، کين لغام ڏنو وڃي. ان موقعي تي پرڏيهي آفيس جي ترجمان ڊاڪٽر محمد فيصل ڀارتي هاءِ ڪمشنر کي احتجاجي خط لکي پاڪستان طرفان شديد احتجاج ريڪارڊ ڪرايو.