PrintClose

ڪراچي (م ڊ) سنڌ جي وڏي وزير سيد مراد علي شاهه آدمشماري آڊٽ جي طريقيڪار بابت 5 شرط حڪومت آڏو پيش ڪري ڇڏيا آهن، جڏهن ته وزيراعظم شاهد خاقان عباسي انهن کي رد ڪري ڇڏيو آهي، ميڊيا رپورٽ موجب سيد مراد علي شاهه جيڪي شرط پيش ڪيا، انهن ۾ آڊٽ لاءِ گڏيل قومن جو ٽيمپليٽ استعمال ڪرڻ جو مطالبو ڪيو ويو آهي، جڏهن ته آدمشماري جي نتيجن کي مرحليوار آن لائن ڪرڻ جو به مطالبو ڪيو آهي، ذريعن موجب وفاقي حڪومت آڏو شرط رکيو آهي ته خاندان جي تناسب بدران سمورن ماڻهن کي ڳڻيو وڃي ۽ هڪ سيڪڙو آبادي جي آڊٽ لاءِ ڊيموگرافر جي ڪميشن جوڙي وڃي، سنڌ حڪومت اهو به شرط رکيو آهي ته چارٽرڊ اڪائونٽن کان آڊٽ نه ڪرائي وڃي، ڇاڪاڻ ته ان وٽ ڪو به تجربو نه آهي، جڏهن ته 40 لک کان وڌيڪ پرڏيهين کي به ڳڻيو وڃي.