PrintClose

اسلام آباد (م ڊ) پي ٽي آءِ سربراهه عمران خان چيو آهي ته نواز شريف هميشه امپائر کي بيهاري کيڏڻ جو عادي آهي، ڪالهه سماجي رابطن واري ويب سائيٽ ٽوئيٽر تي جاري ڪيل پنهنجي ٽوئيٽ ۾ عمران خان چيو آهي ته نواز شريف اهڙا جج چاهي ٿو، جن جي فيصلن تي هو اثرانداز ٿي سگهي، نواز شريف جسٽس (ر) عبدالقيوم جهڙو جج چاهي ٿو، هن چيو ته سپريم ڪورٽ جي فيصلي نواز شريف کي پريشان ڪري ڇڏيو آهي، نواز شريف چاهي ٿو ته سندس نااهلي جو فيصلو واپس ورتو وڃي، ٻئي طرف عمران خان جي صدارت هيٺ پي ٽي آءِ جي قانوني ٽيم جو اجلاس ٿيو، جنهن ۾ بابر اعواڻ، فواد چوڌري ۽ ٻين شرڪت ڪئي، اجلاس ۾ شريف خاندان خلاف ڪيسن بابت ڳالهيون ڪيون ويون، حديبيه ڪيس ٻيهر کولڻ بابت مشاورت ڪئي وئي، قانوني ماهرن پارٽي فنڊنگ ڪيس بابت عمران خان کي بريفنگ ڏني.