PrintClose

اسلام آباد (م ڊ) وفاقي حڪومت موبائيل فون، ميڪ اپ، شيمپو، کير، چاڪليٽ، فرنيچر ۽ گاڏين سميت 731 شيون مهانگيون ڪري ڇڏيون آهن، ان حوالي سان ناڻي واري وزارت پاران جاري ڪيل نوٽيفڪيشن موجب مڇي ۽ خشڪ کير پرڏيهه مان گهرائڻ تي 25 سيڪڙو، مکڻ، ڏهي تي 20 ۽ ڊيري ايٽمز تي 15 سيڪڙو ريگيوليٽري ڊيوٽي لاڳو ڪئي وئي آهي، اهڙي طرح عورتن جي استعمال وارين شين هيئر پن ۽ هيئر ڪلرز تي 20 سيڪڙو تائين ڊيوٽي لاڳو ڪئي وئي آهي، جڏهن ته پرفيومز، ٽوائليٽ اسپري ۽ ڪاسميٽڪ جي ٻين شين تي 20 کان 30 سيڪڙو ۽ فرنيچر تي 40 سيڪڙو تائين ڊيوٽي مڙهي وئي آهي، ان کانسواءِ گهرن ۾ استعمال ٿيندڙ ڪاٺ ۽ پلاسٽڪ جي فرنيچر تي 20 سيڪڙو، آفيسن ۾ استعمال ٿيندڙ ڪاٺ ۽ ميٽل جي فرنيچر تي 40 سيڪڙو ريگيوليٽري ڊيوٽي لڳائي وئي آهي، رڌڻي جي سامان ۾ مائيڪرو ويو اوون، فروٽ گرينڊر، مڪسر، جوسر مشين تي 20 سيڪڙو تائين ٽئڪس لڳايو ويو آهي، نين، پراڻين ۽ اسپورٽس گاڏين تي 15 کان 80 سيڪڙو تائين ريگيوليٽري ڊيوٽي لڳائي وئي آهي، جڏهن ته گهڙين ۽ مختلف قسم جي هٿيارن تي 20 سيڪڙو تائين ٽئڪس لڳايو ويو آهي، ان کانسواءِ چمڪندڙ نمبر پليٽ ۽ نشانن تي به 50 سيڪڙو ٽئڪس لڳايو ويو آهي، راندين جي سامان ۾ ڪرڪيٽ بال، بيٽ، هاڪي، فٽبال، نيٽ بال، باسڪٽ بال، ٽيبل ٽينس بال ۽ ٻئي سامان تي 30 کان 50 سيڪڙو تائين ريگيوليٽري ڊيوٽي لڳائي وئي آهي.ان کانسواءِ چاڪليٽ، ميون، شيپمو، ڊائيپرز، پالتو جانور ٻاهران گهرائڻ تي به ٽئڪس لڳايو ويو آهي، جيڪو اڄ کان لاڳو هوندو.