PrintClose

ڪراچي /ساهيوال (اسٽاف رپورٽر/م ڊ) ڪراچي ۾ هڪ ڏينهن اڳ شاهراهه فيصل تي پوليس مقابلي دوران ڦورن هٿان قتل ٿيل نوجوان مقصود جو مڙهه ساهيوال ۾ سندس وارثن کي پهچايو ويو، جتي سندس پورو ڪٽنب سخت صدمي ۾ وٺي ويو آهي، هو والدين جو اڪيلو ئي پٽ هو، سندس وڇوڙي تي 6 ڀينرن جي ڏک سبب حالت خراب آهي، جڏهن ته سندس مڱيندي جنهن سان مهيني کن ۾ کيس لانئون لهڻيون هيون اها پڻ صدمي ۾ پئجي وئي آهي، هوڏانهن ڪراچي ۾ اڃا تائين سندس قتل جو ڪيس داخل نه ٿيو آهي، جڏهن ته اها به ڄاڻ ملي آهي ته مقابلي کانپوءِ پوليس مقصود، رڪشا ڊرائيور رئوف ۽ ٻن ڏوهارين کي زخمي حالت ۾ اسپتال کان پهرين ٿاڻي تي کڻي وئي هئي ۽ اهڙي ريت پوليس پنهنجي غير ذميواري جو مظاهرو ڪيو.