PrintClose

ڪراچي: ايم ڪيو ايم لنڊن تان استعيفيٰ ڏيندڙ ثقافت ۽ راندين واري اڳوڻي وزير عنبر خان انڪشاف ڪندي چيو آهي ته ايم ڪيو ايم لنڊن ۽ ايم ڪيو ايم پاڪستان هڪ آهن، هن چيو ته ايم ڪيو ايم لنڊن جي اجلاس۾ ايم ڪيو ايم باني واضح طور چوندو هو ته پاڪستان اسٽيبلشمينٽ کيس پاڪستان ۾ سياست ڪرڻ نه ٿي ڏي، ان ڪري اسان فيصلو ڪيو آهي ته فاروق ستار جي سربراهي ۾ پاڪستان ۾ ايم ڪيو ايم پاڪستان ڪم ڪري، عنبر خان جو چوڻ آهي ته الطاف حسين واضح طور چوندو هو ته پاڪستان ۾ ايم ڪيو ايم پاڪستان ۽ فاروق ستار سندس اجازت سان ڪم ڪري رهيا آهن، عنبر خان جو چوڻ آهي ته ايم ڪيو ايم لنڊن ۽ ايم ڪيو ايم پاڪستان وچ ۾ رابطن جي ذميواري نسرين جليل کي ڏنل آهي، هن چيو ته گذريل ڏينهن دبئي کان عشرت العباد فون تي رابطو ڪري ايم ڪيو ايم جي باني کي چيو هو ته توهان فوج خلاف بيان نه ڏيو، ڪجهه ڏينهن تائين فوج جي حق ۾ بيان ڏيو.