PrintClose

اسلام آباد (اي پي پي) سڄي ملڪ ۾ حج درخواستن جي وصولي جو عمل جاري آهي ۽ حج پانڌيئڙا اربع تائين درخواستون جمع ڪرائي سگهن ٿا. مذهبي معاملن واري وزارت جي ترجمان موجب هيستائين هڪ لک ٻاهتر هزار کان وڌيڪ حج درخواستون وصول ٿيون آهن ۽ بنڪن جون نامزد شاخون درخواستن جي وصولي لاءِ ڪالهه پڻ کليل رهيون، هن چيو ته حج پانڌيئڙا اربع تائين درخواستون جمع ڪرائي سگهن ٿا. ترجمان چيو ته حج پانڌيئڙن جي درخواستن جي قرعه اندازي جمعي تي ٿيندي. حج پاليسي 2018ع تحت ڪل هڪ لک 79 هزار 210 حج پانڌيئڙا حج جي سعادت حاصل ڪندا، جڏهن ته حج جي سفر ۽ ٻين خرچن ۾ اضافو ناهي ڪيو ويو. جيڪڏهن اضافي خرچ ٿيو ته حڪومت پاڻ برداشت ڪندي، سرڪاري حج اسڪيم تحت ڪوٽا هڪ لک 20 هزار آهي.