PrintClose

ٽالپر وڏا/رتوديرو (نمائندن وٽان) عمران خان جو پارليامينٽ لاءِ گٿا لفظ استعمال ڪرڻ غلط عمل آهي، پيپلز پارٽي سنڌ، پنجاب ۽ بلوچستان ۾ مظبوط ٿي چڪي آهي، سال 2018ع ٻين سالن کان منفرد رهندو، اهڙن خيالن جو اظهار سنڌ جي صوبائي وزير منظور حسين وساڻ گذريل ڏينهن ڪنب ۾ ميڊيا سان ڳالهائيندي ڪيو، هن چيو ته جنهن پارليامينٽ لاءِ عمران خان جدوجهد ڪري اقتدار ۾ اچڻ جي ڪوشش ڪري رهيو آهي، ان پارليامينٽ لاءِ غلط الفاظ استعمال ڪرڻ افسوس جوڳو عمل آهي، شايد عمران خان سمجهي ويو آهي ته مان وزيراعظم نٿو ٿي سگهان، (ن) ليگ هڪ پارٽي رهي آهي، اها جلد ختم نه ٿيندي، سال 2018ع ٻين سالن کان منفرد رهندو، منهنجي خواهش آهي ته هن سال ۾ جهموريت ۽ امن امان برقرار رهي ۽ چونڊون هن ئي سال ٿين، هن وڌيڪ چيوته پيپلز پارٽي سنڌ، بلوچستان ۽ خيبرپختونواهه ۾ مضبوط ٿي چڪي آهي، پنجاب ۾ ٽن پارٽين وچ۾ مقابلو ٿيندو، فتح پيپلز پارٽي جي ٿيندي، پيپلز پارٽي خلاف اڳ به اتحاد ٺهندا رهيا آهن، هينئر به جي ڊي اي مان ڪجھه ماڻهو پيپلز پارٽي ۽ ڪجھه ٻين پارٽين ۾ شامل ٿي ويندا ۽ جي ڊي اي ٽٽي ويندي، هن چيو ته ايندڙ اليڪشن ۾ پيپلز پارٽي ڪنهن سان به اتحاد نه ڪندي پنهنجي نشان تي اليڪشن وڙهندي، ان موقعي تي ضلعي ڪائونسل چيئرمين خيرپور شهريار خان وساڻ، پ پ سنڌ ڪائونسل جو ميمبر منور علي وساڻ، نديم علي وساڻ ۽ ٻيا ساڻس گڏ هئا. هوڏانهن صوبائي وزير منظور وساڻ رتوديرو پهچي اڳوڻي تعلقي ناظم ڊاڪٽر شفقت سومري سان سندس امڙ آپا رقيا خانم سومرو جي وفات تي تعزيت جو اظهار ڪيو، ان موقعي تي هن ميڊيا سان ڳالهائيندي چيو ته مستقبل صرف پيپلز پارٽي جو آهي.