PrintClose

ڪراچي(اسٽاف رپورٽر) مسلم ليگ (ن) جي قيادت سينيئر اڳواڻ جاويد هاشمي کانپوءِ سنڌ ۾ ناراض اڳواڻن کي پرچائڻ جو فيصلو ڪري ورتو، جنهن لاءِ رابطا پڻ شروع ڪيا ويا آهن، ذريعن موجب مسلم ليگ (ن) جي قيادت سينيئر سياسي اڳواڻ جاويد هاشمي کي پرچائڻ کانپوءِ سنڌ ۾ ناراض اڳواڻن اڳوڻي وڏي وزير سيد غوث علي شاهه، ممتاز علي ڀٽو، ارباب رحيم ۽ ٻين کي پرچائڻ جو فيصلو ڪري روتو آهي، جنهن لاءِ تازو ئي مسلم ليگ (ن) جي اهم شخصيت ٽيليفون ذريعي سيد غوث علي شاهه سان فون تي رابطو ڪري کيس لاڳيتو نظرانداز ڪرڻ تي معذرت ڪرڻ سان گڏ پارٽي ۾ سرگرم ٿيڻ جي گذارش ڪئي، جنهن تي سيد غوث علي شاهه اڃا ڪو جواب نه ڏنو آهي، جڏهن ته (ن) ليگ جي قيادت سنڌ ۾ پارٽي کي مضبوط ڪرڻ لاءِ ٻين ناراض اڳواڻن کي پڻ پرچائڻ جو فيصلو ڪيو آهي، جنهن جي ذميواري سينيئر اڳواڻن کي ڏني وئي آهي، ذريعن موجب نه صرف ممتاز علي ڀٽو ۽ اربارب رحيم سان رابطا ڪيا ويندا پر مختلف ضلعي سطح جي اڳواڻن جا پڻ خدشا ختم ڪيا ويندا.