PrintClose

لاهور (م ڊ)پاڪستان مسلم ليگ جي صدر اڳوڻي وزيراعظم چوڌري شجاعت حسين، سينيئر مرڪزي اڳواڻ چوڌري پرويزالاهي ۽ طارق بشير چيما چيو ته جسٽس آصف سعيد کوسا ايماندار ۽ بي خوف تاريخي فيصلا ڪرڻ وارو جج آهي، سموري قوم کي سپريم ڪورٽ جي تاريخ ساز فيصلي تي فخر آهي، عدليا جي خلاف ن ليگ جي مهم نهايت شرمناڪ آهي، هر محب وطن پاڪستاني سپريم ڪورٽ سان گڏ آهي، ڪيترن ئي وڪيلن جي پاڪستان مسلم ليگ ۾ شموليت جي موقعي تي ڳالهائيندي هنن چيو ته مسلم ليگ اڳواڻن ن ليگ جي عدليا جي خلاف مهم تي ڳڻتيءَ جو اظهار ڪندي چيو ته سموري قوم هن جي مذمت ڪري ٿي ۽ سپريم ڪورٽ جي تاريخي فيصلي تي اعتماد ڪندي آهي، چوڌري شجاعت حسين چيو ته اسان مسلم ليگين کي گڏ ڪرڻ جي مشن تي آهيون، ان سلسلي ۾ ڪراچي جو دورو وڏو ڪامياب رهيو ۽ ڪيترا ئي نظرياتي مسلم ليگي اڳواڻ پارٽي ۾ شامل ٿيا.