PrintClose

قمبر/رتوديرو/ميروخان (نمائندن وٽان) ايم پي اي سردار خان ۽ سندس ڀاءُ برهان خان چانڊيو تي ڪيس داخل ٿيڻ خلاف مختلف شهرن ۾ مظاهرا، تفصيل موجب قمبر ۾ نواب سردار خان چانڊيو ۽ سندس ڀاءُ برهان خان چانڊيو تي ڪوڙا ڪيس داخل ڪرڻ خلاف سياسي سماجي اڳواڻن جناح باغ مان پلي ڪارڊ بينر کڻي مختلف روڊن رستن کان ٿيندا پريس ڪلب آڏو ايس ايس پي دادو کي هٽائڻ لاءِ اڀ ڏاريندڙ نعرا هنيا، ان موقعي تي شعبان شيخ، محمد پنهل سومرو، فيصل چانڊيو، ڪامريڊ نظير تنيو، ذوالفقار شابراڻي، ذوالفقار خانزادو، عتيق الله شاھ راشدي، خادم حسين راهوجو، ڊاڪٽر اقبال يوسف، دلبر چانڊيو، اعجاز گلن وارو، اقبال مير جت، اختر حسين لاکو، لياقت مغيري، فاورق جاگيراڻي، گل حسن هڪڙو، غلام مصطفيٰ ڀٽو، نثار چانڊيو، روشن چانڊيو، مجاهد شاھ، سچوا جو محمود مارفاڻي، محمد ٻرڙو، مجيب ڀٽو، عبدالڪريم بروهيم، وحيد وڏيرو ۽ ٻين چيو تہه نواب غيبي سردار خان ۽ ان جي ڀاءُ مٿان ڪوڙا ڪيس داخل ڪيا آهن، اسان قمبر ضلعي جي بحالي لاءِ ڊگھي جدوجھد ڪئي پر اسان ان جدوجھد ۾ ڪامياب ٿيا آهيون، جڏهن ته سردار خان اسان جو وڏو آهي، آءِ جي سنڌ کي اهو چئون ٿا ته هو پنهنجي عهدي جو مان ۽ شان رکندي شفاف انڪوائري ڪري ۽ نوابن مٿان ڪوڙا ڪيس ختم ڪري، ٻي صورت ۾ اسان جو احتجاج جاري رهندو، هوڏانهن رتوديرو جي مختلف ڳوٺن جي رهواسي چانڊيا برادري پاران ٽريڪٽر ٽرالين تي چڙهي پريس ڪلب تائين احتجاجي ريلي ڪڍي وئي، جنهن جي اڳواڻي رئيس عبدالنبي چانڊيو، غوث بخش، رئيس مهراڻ خان، ساجد علي، رئيس علي گوهر، اختيار علي، واحد بخش چانڊيو ۽ ٻيا ڪري رهيا هئا، ان موقعي تي اڳواڻن ميڊيا سان ڳالهائيندي چيو ته ميهڙ ۾ قتل ٿي ويل چانڊيا برادري جي ماڻهن جو اسان کي دلي صدمو پهتو آهي پر هڪ گهري سازش تحت انهن جي قتل جو ڪيس اسان جي سردار ۽ سندس ڀاءُ مٿان داخل ڪرايو ويو آهي، جنهن جي اسان ڀرپور نموني سان مذمت ڪريون ٿا، هنن آءِ جي سنڌ ۽ گهرو وزير سهيل انور سيال کان مطالبو ڪندي چيو ته اسان جي سردار ۽ سندس ڀاءُ مٿان داخل ڪيل ڪوڙا ڪيس ختم ڪري اصل جوابدارن مٿان ڪيس داخل ڪيو وڃي. ميروخان ۾ پ پ ايم پي اي نواب  سردار خان چانڊيو  ۽ سندس ڀاءُ برهان خان چانڊيو خلاف ميهڙ ٿاڻي تي ايف آءِ آر داخل ڪرڻ خلاف پ پ اڳواڻن ڊاڪٽر عبدالخالق تنيو، عبدالظاهر تنيو، عبدالوهاب لاکو، ميان شميم احمد تنيو، اشفاق ڪلهوڙو ۽ ٻين جي اڳواڻي ۾ هٿن ۾ پينا فليڪس کڻي شهر جي مک عرضي ڀٽو چوڪ کان پريس تائين احتجاجي ريلي ڪڍي وئي، ان موقعي تي ميڊيا سان ڳالهائيندي اڳواڻن ڊاڪٽر عبدالخالق تنيو، عبدالظاهر، ميان شميم احمد تنيو، عبالوهاب لاکو ۽ ٻين مطالبو ڪيو ته نواب سردار خان چانڊيو ۽ نوابزاده برهان خان چانڊيو مٿان داخل ڪوڙو ڪيس ختم ڪري ميڊيا ٽرائل بند ڪيو وڃي، ٻي صورت ۾ احتجاج جو دائرو وسيع ڪيو ويندو.