PrintClose

لاهور (م ڊ) پيپلزپارٽي جي اڳواڻ سينيٽر اعتزاز احسن چيو آهي ته مسلم ليگ ن جي سياست پهرئين ڏينهن کان ٻٽي معيار ۽ منافقت تي ٻڌل آهي، لاهور ۾ ميڊيا سان ڳالهائيندي اعتزاز احسن چيو ته نواز شريف لاءِ پاناما کان وڌيڪ اقاما خطرناڪ آهي، ڇاڪاڻ ته ڪو شخص پرڏيهي ڪمپني جو ملازم هوندي ڪهڙي ريت ملڪ جو وزيراعظم بڻجي سگهي ٿو، نواز شريف پرڏيهي ڪمپني جو ملازم هو، جنهن جو مطلب پنهنجي وفاداري کي تسليم ڪرڻ هوندو آهي ۽ پرڏيهه ۾ نوڪري ئي ملڪ جي حلف جي ڀڃڪڙي آهي، اعتزاز احسن جو چوڻ هو ته شريف ڀائرن هميشه سازش ڪئي ۽ مسلم ليگ ن جي سياست پهرئين ڏينهن کان ئي ٻٽي معيار ۽ منافقت تي ٻڌل آهي، نواز شريف سازش جي عمل کي چڱي ريت ڄاڻي ٿو، هن پهرين جوڻيجي کي دوکو ڏنو بعد ۾ ايجنسين کان پئسا وٺي ڌانڌلي ڪئي، غلام مصطفيٰ جتوئي جي خلاف سازش ۾ به نواز شريف جو هٿ هو، بعد ۾ ججن سان گڏجي بينظير ڀٽو ۽ پيپلزپارٽي جي خلاف سازشون ڪيون، ٽيپ هلي ته ججن کي ڌمڪيون ۽ بينظير ڀٽو ۽ آصف علي زرداري کي سزا ملي، پ پ اڳواڻ چيو ته نواز شريف هميشه سازش ڪري ئي وزيراعظم بڻيو آهي، عدليا ۽ جنرلن سان گڏجي سازش ڪندڙ نواز شريف جو هن ڀيري ڪم نه پيو ٿئي ۽ هن عدليا جي ججن جو فيصلو مڃڻ کان به انڪار ڪري ڇڏيو آهي ۽ هر هنڌ چوندو پيو وڃي ته 5 ججن جو فيصلو ڪيئن مڃي وٺان؟ هن چيو ته ماڊل ٽائون ۾ 14 ماڻهن جي قتل جو معاملو انتهائي اهم آهي، جنهن جي جاچ لاءِ جي آءِ ٽي ٺهڻ گهرجي، جنهن جي مانيٽرنگ جج ڪري ۽ ان وقت تائين شهباز شريف ۽ راڻا ثناءُ الله کي استعيفائون ڏيڻ گهرجن.