PrintClose

اسلام آباد (م ڊ) وفاقي گادي واري هنڌ اسلام آباد ۾ ٻڪريون چارڻ واري معاملي تي 2 گروپن ۾ جهيڙي جي نتيجي ۾ فائرنگ سبب زال مڙس سميت 3 ڄڻا مارجي ويا، تفصيل موجب اسلام آباد جي علائقي بري امام ويجهو مل پور ڳوٺ ۾ وزيرستان سان تعلق رکندڙ زال ۽ مڙس عالم خان ٻڪريون چاري رهيا هئا ته سندن ٻڪريون مخالف گروپ جي زمينن تي هليون ويون، جنهن بعد تلخ ڪلامي شروع ٿي وئي ۽ نوبت فائرنگ تائين پهچي وئي، جنهن جي نتيجي ۾ زال مڙس سميت مخالف گروپ جو هڪ ڄڻو مسڪين قتل ٿي ويا ۽ هڪ گروپ لاش کڻي ٿاڻي آبپاره جي حدن مان گذرڻ لڳو ته پوليس چيڪنگ دوران لاشن سميت ڪجهه ماڻهن کي حراست ۾ وٺي ڇڏيو ۽ لاشن کي پوسٽ مارٽم لاءِ پولي ڪلينڪ اسپتال منتقل ڪيو ويو. پوليس فائرنگ ڪندڙ مک جوابدار ذيشان کي به زخمي حالت ۾ گرفتار ڪري ورتو آهي، جنهن کان وڌيڪ جاچ جاري آهي.