PrintClose

ڪراچي (بيورو رپورٽ) لياري جي سنگو لين واري علائقي ۾ دستي بم حملو، نينگر مارجي ويو، هڪ عورت سميت 4 ڄڻا زخمي ٿي پيا، زخمين کي سول اسپتال منتقل ڪيو ويو، سنگو لين واري علائقي ۾ مولا مدد گلي وٽ دهشتگردن ڪريڪر حملو ڪيو، جنهن جي نتيجي ۾ 10 سالن جو اريان ٿڏي تي مارجي ويو، جڏهن ته هڪ عورت زهره سميت فاروق، اعجاز ۽ راهب زخمي ٿي پيا، جن کي سول اسپتال منتقل ڪيو ويو، جن مان فاروق جي حالت ڳڻتي جوڳي ٻڌائي وڃي ٿي، پوليس جو چوڻ آهي ته ٻه موٽرسائيڪل سوار دهشتگرد هئا، جن دستي بم حملو ڪيو ۽ فرار ٿي ويا. واقعي جي جاچ ڪئي پئي وڃي.