PrintClose

ڪراچي (اسٽاف رپورٽر) جماعت اسلامي جي امير سينيٽر سراج الحق چيو آهي ته ڪراچي ۾ جهنگ وارو قانون آهي، رائو انوار کي معطل ڪرڻ ڪا سزا نه پر معمول جي ڪارروائي آهي، اهڙو اظهار هن صحافين سان ڳالهائيندي ڪيو، هن وڌيڪ چيو ته رائو انوار ظالم ۽ قاتل آهي، جنهن ماڻهو جو دامن 424 ماڻهن جي قتل سان ڀريل آهي، ان کي اسين عدالتن ۾ ڏسڻ گهرون ٿا، هن چيو ته پوليس جي جاچ ڪاميٽي پنهنجي حيثيت موجب ڪم ڪندي رهي پر جيستائين چيف جسٽس جي سربراهي ۾ عدالتي ڪميشن نٿو ٺهي تيستائين ڪنهن تي به اعتماد نه ڪنداسين، سراج الحق وڌيڪ چيو ته جيڪڏهن رائو انوار ايترو بهادر آهي ته پوءِ کيس پاڪ-ڀارت سرحد يا جنگي محاذ تي موڪليو وڃي، هن چيو ته 31 جنوري تي ڪراچي جي مظلومن لاءِ وڏو جرڳو ڪنداسين، جنهن ۾ سمورن قبيلن ۽ هر زبان ڳالهائيندڙ ماڻهو شرڪت ڪندا.