PrintClose

نوابشاهه (بيورو رپورٽ) مونکي شهيد بينظير ڀٽو سياست ۾ وٺي آئي ۽ ان جي حڪم تحت نوابشاهه ضلعي جي مون خدمت ڪئي ۽ جيڪو ذاتي شخصيت جو ضلعو هوندو هو اهو مون پيپلزپارٽي جي حوالي ڪيو، اهڙن خيالن جو اظهار پيپلزپارٽي جي رهنما ۽ پ پ ليڊيز ونگ پاڪستان جي صدر ايم اين اي فريال ٽالپر نوابشاهه ۾ ميونسپل ڪاميٽي نوابشاهه جي چيئرمين حاجي محمد عظيم مغل پ پ سٽي نوابشاهه پاران مقامي شادي هال ۾ آجياڻي کي خطاب ڪندي ڪيو، هن چيو ته سنڌ جي عورت هميشه بهادر رهي آهي ڇاڪاڻ ته سنڌ ڄائي شهيد راڻي محترمه بينظير ڀٽو هن ڌرتي ۽ عوام لاءِ جان جي قرباني ته ڏئي ڇڏي پر ظلم آڏو ڪنڌ نه جهڪايو، هن چيو ته مونکي سياست ۾ آڻڻ واري به شهيد راڻي بينظير ڀٽو آهي، جڏهن ته منهنجي سياسي پرورش منهنجي والد حاڪم علي زرداري ۽ ڀاءُ آصف علي زرداري ڪئي، هن چيو ته منهنجي خاندان جيڪي مونکي شهيد بينظير آباد ضلعو امانت ۾ ڏنو هو اهو مان پنهنجي ڀاءُ آصف علي زرداري ڏانهن منتقل ڪري رهي آهيان ۽ هاڻ هن ضلعي ۾ آصف علي زرداري سياست ڪرڻ سان گڏ چونڊ وڙهندو، هن چيو ته نوابشاهه مان باقي ٻيو ڪير بيهندو اهو پارٽي فيصلو ڪندي پ پ ايم اين فريال ٽالپر خطاب ڪندي چيو ته هي اليڪشن جو دور آهي ۽ اسان کي وڌيڪ محنت ڪرڻي آهي، انشاءَ الله پ پ سنڌ سميت چئني صوبن مان ڪاميابي ماڻيندي. هن چيو ته هن ضلعي جي منهنجي خاندان خدمت ڪئي آهي ۽ جڏهن مان هن ضلعي ۾ 20 سال اڳ آئي هُيس ته هتي ڪافي ترقياتي ڪم ٿيل هئا ۽ مون پنهنجي خاندان پاران امانت ڏنل هن ضلعي جي عوام جي مشڪل حالتن ۾ ظالمن جو مقابلو ڪري خدمت ڪئي، پ پ ايم اين اي فريال ٽالپر چيو ته مان به سنڌ ڌرتي ۽ نوابشاهه جي ڄائي آهيان ۽ مونکي هن ضلعي جي ماڻهن سان پيار آهي ۽ مونکي اُهي ڏينهن به ياد آهن جڏهن پيپلز پارٽي تي ڏکيو وقت آيو ته هتان جي عوام منهنجي ۽ پيپلز پارٽي جي مدد ڪري هي ضلعو کٽيو ۽ هاڻ مونکي ڏاڍو فخر محسوس ٿي رهيو آهي، هن چيو ته مون هن ضلعي ۾ سنڌي، پنجابي، مهاجر، پٺاڻ ۽ اقليتن کي هڪ جهڙو سمجھي خدمت ڪئي آهي، پ پ ايم اين اي فريال ٽالپر چيو ته ايندڙ چونڊن ۾ پ پ سنڌ سان گڏ وفاقي حڪومت به قائم ڪندي ۽ عوام جي وڌيڪ خدمت ڪئي ويندي، انهي کان اڳ ۾ صوبائي وزير قانون ضياءَ الحسن لنجار تقرير ڪندي چيو ته سنڌ ۾ پيپلزپارٽي بنا فرق جي ميرٽ تي هزارين نوڪريون ڏنيون آهن ۽ 2018ع جي اليڪشن ۾ کٽڻ کانپوءِ وفاقي ۽ صوبائي حڪومت ملڻ کانپوءِ جيڪي رهجي ويا آهن انهن کي اڳ ۾ نوڪريون ڏينداسين، انهي کانپوءِ ايم پي اي غلام قادر چانديو، ميزبان حاجي محمد عظيم مغل، پ پ ضلعي صدر علي اڪبر جمالي تقريرون ڪيون، جڏهن ته ايم پي اي فصيح احمد شاهه، ايم پي اي سليم رضا جلباڻي، غلام شاهه لغاري، سلام خان زرداري، رضا محمد زرداري، محسن علي زرداري، ميرسهراب مري، امتياز چانڊيو، حاجي لائق لغاري، عمران علي چانگ، ايوب خان رند، توصيف، نذيران خاصخيلي، غلام مصطفيٰ سومرو، مهر افشان ميمڻ، حاجي عرفان لاکو، علي اڪبر لاکو، غلام عباس، آصف بڙدي، فيروز لغاري، مشرف آرائين، سبحان بڙدي، خالد حسين چنا، غلام سرور چانگ، عاشق حسين بروهي، ايوب جٽ ۽ ٻيا موجود هئا، جڏهن ته ميونسپل ڪاميٽي نوابشاهه جي چيئرمين حاجي محمد عظيم مغل، فيروز لغاري، نور نواز زرداري ۽ مبشر آرائين آجياڻي دوران پ پ ايم اين اي فريال ٽالپر ۽ ٻين مهمانن کي اجرڪن جا ۽ ٻيا تحفا پڻ پيش ڪيا.