PrintClose

ڪراچي (اسٽاف رپورٽر) اطلاعات، ٽرانسپورٽ ۽ ليبر کاتي واري صوبائي وزير سيد ناصر شاهه جي هدايت تي ليبر کاتي طرفان صوبي جي صنعتي ادارن ۾ عالمي ليبر اسٽينڊرڊ تي عملدرآمد ۽ فروغ لاءِ مزدورن، مالڪن ۽ حڪومتي نمائندن تي ٻڌل 30 رڪني ڪاميٽي جوڙي وئي آهي، جنهن ۾ حڪومتي، پورهيتن ۽ مالڪن جا 10-10 برابر نمائندا شامل آهن، ڪاميٽي جو نوٽيفڪيشن جاري ڪيو ويو آهي. جنهن لاءِ سيڪريٽري محنت ۽ افرادي قوت کي چيئرپرسن مقرر ڪيو ويو آهي، جڏهن ته ڪمشنر سوشل سيڪيورٽي ڪراچي ۽ ٻين کي ميمبر مقرر ڪيو ويو آهي. ڪاميٽي پهرين 3 ڌري ليبر ڪانفرنس جي سمورين سفارشن ۽ تجويزن تي عملدرآمد ڪرڻ سميت پورهيتن جا مسئلا حل ڪرڻ لاءِ ڪردار ادا ڪندي. ان سلسلي ۾ ليبر، ٽرانسپورٽ ۽ اطلاعات کاتي واري صوبائي وزير سيد ناصر حسين شاهه ليبر کاتي واري سيڪريٽري عبدالرسول سولنگي کي هدايتون ڏنيون آهن ته هو سڀني نمائندن سان اجلاس ڪري ليبر پاليسي ٺاهن ته جيئن 10 فيبروري تي ان جو اعلان ڪري سگهجي.