PrintClose

عمرڪوٽ: اڳوڻي صدر آصف علي زرداري چيو آهي ته ميرپورخاص ۾ پ پ جو جلسو جلد ڪيو ويندو، ان لاءِ هري رام کي چيو اٿم، پر آهي ڪنجوس، ڏسون ٿا ڪڏهن ٿو جلسو ڪرائي، تقريب کي خطاب ڪندي آصف علي زرداري چيو ته مون کي ڌرتي سان پيار آهي، تڏهن ته منهنجي نياڻي جو نالو به بختاور آهي، هن چيو ته ڌرتي لاءِ ئي شهيد ڀٽو ڪنڌ نه جهڪايو ۽ ڦاهي قبول ڪئي، شهيد راڻي به ڌرتي لاءِ واپس آئي ۽ جان قربان ڪري ڇڏي، ٻيو ڪو هجي ها ته واپس نه اچي ها، هن چيو ته زنده آهي ڀٽو جو نعرو شهيد بينظير ٻڌندي هئي ته غمگين به ٿيندي هئي ۽ خوش به، اسين به زنده آهي بيبي جو نعرو ٻڌندا آهيون ته خوش به ٿيندا آهيون ۽ غمگين به ٿي ويندا آهيون.