PrintClose

ڪوٽڙي/ٺٽو/گهارو/ڌاٻيجي (نمائندا) سنڌ ۾ پاڻي  بابت  سپريم ڪورٽ جي ٺاهيل واٽر ڪميشن سيوهڻ ڊولپمينٽ اٿارٽي جي ڊائريڪٽر جنرل کي هٽائڻ، پبلڪ هيلٿ ڄامشوري جي اسڪيمن لاءِ نيب کي جاچ ڪرڻ، ڪوٽڙي ۾ بند پيل ٽريٽمينٽ پلان ٻن ڏينهن ۾ هلائڻ جو حڪم ڏئي ڇڏيو آهي، جڏهن ته ٽريٽمينٽ پلانٽ بنا هلندڙ فيڪٽرين کي بند ڪرڻ جو به چتاءُ ڏئي ڇڏيو آهي، اهي حڪم واٽر ڪميشن جي سربراهه جسٽس رٽائرڊ امير هاني مسلم آچر ڏينهن ڌاٻيجي، گهاري، ڪينجهر ۽ ڪوٽڙي جي دورن دوران جاري ڪيا، واٽر ڪميشن جي سربراهه ڌاٻيجي، گهاري، ڪينجهر ۽ ڪوٽڙي ۾ ٽريٽمينٽ پلانٽن جو معائنو ڪيو، جن جي خراب حالت يا انهن کي بند ڏسي لاڳاپيل ڪامورن تي سخت ڪاوڙ جو اظهار ڪيو ۽ انهن خلاف ڪارروائي ڪرڻ جو پڻ چتاءُ ڏنو، واٽر ڪميشن جو سربراهه رٽائرڍ جسٽس امير هاني  مسلم ڪوٽڙي ۾ فيڪٽرين جي زهريلي پاڻي لاءِ ٺاهيل ٽريٽمينٽ پلانٽ تي پهتو، جتي هن ٽريٽمينٽ پلانٽ کي ڏسي سيڪرٽري انڍسٽري عبدالرحيم سومري کي مخاطب ٿيندي چيو ته هي پاڻي ته زهر آهي هي عوام کي پيا پياريو اوهان پاڻي پي ڏسو پيئڻ جي لائق آهي؟ اوهان جي نااهلي آهي، زهريلو پاڻي بنا ٽريٽمينٽ پلانٽ جي واهه ۾ ڇڏيو پيا، ايم ڍي سائيٽ گل مجتبيٰ جويو ڪميشن جي سربراهه امير هاني مسلم کي آگاهه ڪندي  چيو ته ٽريٽمينٽ پلانٽ هلي ٿو، ان تي امير هاني مسلم ايم ڊي کي چيو ته پلانٽ سڄو گهمي ڏٺو آهي، اوهان جو پلانٽ مڪمل غير فعال آهي، مون کي پلانٽ جو نقشو ڏيکاري مطمئن ٿا ڪريو، ڇا آئون ڪوٽڙي جو نه آهيان؟ مون کي سڀ خبر آهي، 90 ڪروڙ رپين جو ڪارو منهن ڪري ڇڏيو اٿو، هي پلانٽ ناڪاره آهي، هاڻي هي پلانٽ هلندو يا اوهان نوڪري ڪندا، ان مان اوهان پاڻ فيصلو ڪريو، آئون ٻن ڏينهن جي اندر پلانٽ هاڻ هلندي ڏسڻ ٿو چاهيان، جيڪڏهن ائين نه ٿيو ته اوهان جي مٿان ڪيس داخل ڪري نوڪرين تان برطرف ڪيو ويندو، امير مسلم هاني صنعتڪارن جي تنظيم ڪاٽي جي چيئرمين ملڪ اقبال کي چيو ته اوهان جي مٿان اهو قانوني فرض آهي ته فيڪٽرين ۾ ٽريٽمينٽ پلانٽ لڳايو، پوءِ ڇو نه لڳايا ويا آهن؟ اسان انڪوائري ڪريون ٿا، جنهن به فيڪٽري ۾ ٽريٽمينٽ پلانٽ لڳل نه هوندو، ان فيڪٽري کي بند ڪنداسين، اسان کي سڀ کان پهريان انساني زندگيون عزيز آهن، ان کي بچائڻ لاءِ آخري حد تائين وينداسين، پاڻي ڪميشن جي سربراهه رٽائرڊ جسٽس امير هاني مسلم سيڪرٽري انڍسٽريز ۽ ايم ڍي سائيٽ کي وارنگ ڏيندي کين چيو ته ٻن ڏينهن ۾ بنا ٽريٽمينٽ جي فيڪٽرين جو پاڻي واهه ۾ ڇوڙ ٿيو ته ڪارروائي لاءِ تيار ٿي وڃو، پاڻي ڪميشن جي سربراهه امير هاني مسلم سائيٽ ڪوٽڙي ۽ ٽي بي سينٽوريم جو گندو پاڻي واهه ۾ ڇوڙ ڪرڻ تي پبلڪ هيلٿ جي چيف انجنيئر نفيس شيخ، ايڪسيئن پبلڪ هيلٿ شفيق احمد ميمڻ تي سخت ڪاوڙ جو اظهار ڪندي کانئس سخت پڇاڻو ڪيو ۽ کين چيو ته اوهان جون ضلعي ۾ جيڪي به واٽر سپلاءِ جو اسڪيمون آهن، انهن جا جلد تفصيل ڏيو، جيڪڏهن فلٽر پلانٽ جي ناڪارا هئڻ ڪري ڪوبه ماڻهو گندو پاڻي واپرائڻ سبب فوت ٿيو ته چيف انجنيئر پبلڪ هيلٿ ۽ ايڪسيئن پبلڪ هيلٿ سميت لاڳاپيل عملدارن خلاف ڪيس داخل ڪري کين جيل ڀيڙو ڪيو ويندو، پاڻي ڪميشن جي سربراهه امير هاني مسلم پبلڪ هيلٿ کاتي ڄامشوري جي ڪارڪردگي تي ڪاوڙ جو اظهار ڪندي اسڪيمن جي نيب کي جاچ ڪرڻ جو حڪم ڏنو ۽ ناڪاره فلٽر پلانٽ درست ڪري شهرين کي صاف پيئڻ جو پاڻي مهيا ڪرڻ جي سختي سان هدايت ڏني، پاڻي ڪميشن جي سربراهه گندو ۽ زهريلو فيڪٽرين جو پاڻي ڪي بي فيڊر ۾ ڇوڙ کي روڪڻ لاءِ قدم نه کڻڻ تي ايريگيشن جي عملدارن کي فوري طلب ڪري ورتو، جنهن تي ايڪسيئن اريگيشن اعجاز قريشي پهچي ويو ان کي مخاطب ٿيندي سربراهه امير هاني مسلم پڇاڻو ڪيو ته آبادين جو توڙي فيڪٽرين جو پاڻي واھ ۾ ڇوڙ ٿئي پيو اوهان ڇا پيا ڪريو، پاڻي واھ ۾ ڇوڙ نه ٿئي اگر ٿيو ته قدم کنيو ويندو اوهان خلاف ،پاڻي ڪميشن جي سربراهه امير هاني مسلم آڏو ميونسپل ٻولهاڙي جي چئيرمين مختيار جمالي مخاطب ٿيندي چيو ته ڪوٽڙي سائيٽ لاءِ پاڻي مسئلو حل ڪرايو ان تي چيئرمين پڇاڻو  ڪيو ته پاڻي ڪٿان اچي ٿو؟ ان تي ٻڌايو ويو ته پاڻي لائين هڪڙي سيوهڻ ڍولپمينٽ اٿارٽي جي آهي، ٻئي پبلڪ هيلٿ جي ان تي سربراهه امير هاني مسلم پڇيو ته سيوهڻ ڍولپمينٽ اٿارٽي جو  ڍي جي ڪير آهي، ان تي کيس آگاھ ڪيو ويو ته ڍي جي منير سومرو آهي، پاڻي ڪميشن جي سربراهه امير هاني مسلم ڪاوڙ جو اظهار ڪندي چيو ته سپريم ڪورٽ منير سومري کي سختي سان ڍي جي جي عهدي تي رکڻ کان منع ڪيو هو، پوءِ اها عدالت جي حڪم جي ڀڃڪڙي ڪيئن ٿي منير سومري کي عهدي تان فوري هٽايو وڃي ۽ سائيٽ جي پاڻي مسئلو حل ڪرڻ جي هدايت ڏني،آخر ۾ امير هاني مسلم شهرين کي صاف پاڻ  مهيا ڪرڻ جي هدايت ڏيندي چيو ته جلد وري ڪوٽڙي جو دورو ڪري تفصيل پاڻ وٺندس، هن آخر ۾ فيڪٽرين جو گندو پاڻي بيٺل تلائن جو واهه ۾ ڇوڙ ڪرڻ کان منع ڪندي ڪاٽي جي چيئرمين ملڪ اقبال کي مخاطب ٿيندي چيو ته صنعتڪار آهيو خيرات ڪڍي اوهان موٽر خريد ڪري تلائن جو بيٺل پاڻي ٽريٽمينٽ پلانٽ ۾ ڇوڙ ڪرايو ته جيئن پاڻي صاف ٿي واهه ۾ ڇوڙ ٿي سگهي.