PrintClose

شيخوپوره (م ڊ) جي يو آءِ (ف) جي سربراهه مولانا فضل الرحمان چيو آهي ته هو آئين ۽ قانون سان گڏ بيٺل آهي، ملڪ بچائڻو ۽ استحڪام آڻڻو آهي، استحڪام لاءِ امن شرط آهي، عوام کي تحفظ جو اعتماد ڏئي ووٽ حاصل ڪري سگهجي ٿو، مملڪت جي بچاءَ جو دارو مدار امن ۽ معيشت تي آهي، هن چيو ته امن هوندو ته معيشت به بهتر ٿيندي، صرف مسجد، مدرسو ۽ جميعت علماءِ اسلام امن جو تاثر ڏئي سگهن ٿا، امن جي لاءِ فوج جي قربانين جو قدر ڪريون ٿا، جيڪڏهن جي يو آءِ (ف) امن قائم ڪرڻ لاءِ ڪردار ادا نه ڪري ها ته امن ممڪن نه هو، مولانا فضل الرحمان چيو ته جيستائين پاڪستان ۾ سيڙپڪارن ۽ جاگيردارن جو راڄ آهي، قيامت تائين غريب ماڻهو خوش نٿو ٿي سگهي، عالمي ادارا آءِ ايم ايف ۽ ورلڊ بئنڪ يهودي لابي جي اثر هيٺ آهن، جيستائين انهن جي ايجنڊا تي پاڪستان جي سياست هلندي، تيستائين ملڪ جي معيشت ٺيڪ نٿي ٿي سگهي، هن الزام مڙهيو ته ميڊيا پرڏيهي ايجنڊا تي ڪم ڪندڙن کي سپورٽ ڪري ٿو، مولانا فضل الرحمان چيو ته اسان جي اسٽيبلشمينٽ، بيورو ڪريسي ۽ سياست تي به ٻاهريون دٻاءَ آهي، سڀني شين کي دٻاءَ مان ڪڍڻ پاڪستان جي خير خواهي آهي. هن چيو ته مسئلو نواز شريف جو هو پر اسيمبلي ۾ حلف نامي کي ڇيڙيو ويو، فضل الرحمان چيو ته هر پارٽي ڊانس پرفارمنس ۾ بازي کڻي رهي آهي، ختم نبوت صه ايمان جو حصو آهي ۽ اسين ان تي متحد آهيون.