PrintClose

گهوٽڪي (ن سوڀ) گهوٽڪي جي ماٿيلو روڊ تي سچل سرمست شوروم تي ڏنڊا بردار ماڻهن حملو ڪري ڏنو، جنهن جي نتيجي ۾ دڪان ۾ ويٺل ملازم ارشاد سنگهڙ زخمي ٿي پيو، جڏهن ته شوروم جا شيشا ۽ فرنيچر ڀڃڻ سان گڏ ڏنڊا هڻي 16 موٽر سائيڪلن کي به نقصان پهچايو ويو، ان سلسلي ۾ شوروم مالڪ غلام نبي ڪورائي ٻڌايو ته گل حسن ڪولاچي، سعيد ڪولاچي، مسڪين ڪولاچي، يعقوب ۽ سراج ڪولاچي جي اڳواڻي ۾ 20 ڏنڊا بردار ماڻهن شوروم تي حملو ڪري نقصان پهچايو، هن چيو ته حملو ڪندڙ 2 ون ٽو فائيو موٽرسائيڪلون ڪاهي ويا آهن، جڏهن ته 4 چائنا ۽ 12 سي ڊي موٽرسائيڪلن کي ڏنڊا هڻي نقصان پهچايو ويو آهي، هوڏانهن اي سيڪشن پوليس جو چوڻ آهي ته شوروم تي حملي واري معاملي جي جاچ ڪئي پئي وڃي، الزام هيٺ آيل ڪولاچي ڌر جو چوڻ آهي ته ڪجهه ڏينهن اڳ هڪ عورت جي اغوا جو الزام شوروم مالڪ جي سئوٽ تي لڳل آهي، جنهن تان ڌرين ۾ ڇڪتاڻ هلندڙ هئي.