PrintClose
20-10-2017

ميمڻ ڳوٺ (ن سوڀ) ملير جي علائقي ميمڻ ڳوٺ ۾ ڦرن ۽ چورين ۾ ڏينهون ڏينهن اضافو ٿي رهيو آهي، 2 ڏينهن اڳ دڪان مان ڦر جي ناڪام ڪوشش بعد گذريل ڏينهن  ڪراچي شهر کان ميمڻ ڳوٺ ۾ خانگي ڪمپني جي هول سيلر کان به ڏينهن ڏٺي ديدا دليري سان وچ بازار مان هٿيارن جي زور تي روڪ رقم  ڦر ڪري فرار ٿي ويا، وارداتن ۾ اضافي بعد واپاري برداري جي وفد محمد حنيف جي اڳواڻي ۾ سينٽرل پوليس آفيس پهچي ڊي آءِ جي ايسٽ سلطان خواجا سان ملاقات ڪري کيس مختلف وقتن تي ٿيندڙ، ڌاڙن ۽ چورين جي وارداتن کان آگاهه ڪيو، جنهن تي ڊي آءِ جي کين علائقي ۾ امن امان بحال ڪراڻ جي خاطري ڪرائي، ٻئي طرف علائقي ۾ وڌندڙ بدامني خلاف واپاري اڄ جمع ڏينهن صبح کان شام تائين هڙتال ۽ احتجاجي ريلي ڪڍڻ جو اعلان ڪيو آهي، جنهن سبب سمورو ڪاربار، ٽرانسپورٽ بند هوندي ۽ شام جو ريلي ڪڍي پريس ڪلب اڳيان احتجاجي ڌرڻو هينو ويندو، ان سلسلي ۾ واپارين جي اڳواڻ محمد حنيف چيو ته سازش ذريعي ملير جي واپاري مرڪز ميمڻ ڳوٺ ۾ بدامني پکيڙي واپار جي ساک ۽ علائقي کي بدنام ڪيو پيو وڃي، جڏهن  ته ڏوهاري ڏينهن ڏٺي ماڻهن کان ڦرمار ڪري رهيا آهن ۽ پوليس غائب آهي هن مطالبو ڪيو ته شهرين جي تحفظ لاءِ  رينجرز مقرر ڪئي وڃي.