PrintClose

جيڪب آباد: هندو برادري جي اڳواڻن واپارين لعل چند، ڊاڪٽر رام چند، لڇمڻ ڪنگراڻي، اشوڪ ڪمار تيجواڻي، موتي لعل، ديوانند، گريل داس ، مکي ماڻڪ مل، روشن لعل، نارائڻ داس ڊاڪٽر لکميچند، ۽ ٻين ٻڌايو ته اسان جيڪب آباد کان 12 سئو هندو واپاري بلوچستان جي مختلف شهرن ڊيرامراد جمالي، اوستا محمد، ڊيرالهيار، گندواهه، ڇتر سميت ٻين ننڍن وڏن شهرن ۾ ورهين کان پيٽ گذر ڪرڻ لاءِ ڪاروبار ۽ ڪرياني جا دڪان کولي ٻچن جو گذر سفر ڪندا آهيون ڪيترائي ڀيرا هٿياربندن جو منهن ڏٺو آهي ڪيترائي هندو واپاري ميڊيڪل ريپ رستي مان ڏينهن ڏٺي جو اغوا ڪيا ويا ڪيترائي هندو دڪاندار بيدردي سان ماريا ويا آهن اسان جي هڪ تاريخ رهي آهي اسان ايترن ظلمن جي باوجود جنم ڀومي ناهي ڇڏي، جڏهن ته اسان جي ڪاروبار سبب علائقن ۾ ترقي ٿي آهي باقي جيڪڏهن اسٽيٽ اسان کي تحفظ نه ڏيندي ته اسان ڇا ڪنداسون گهرن ۾ ويهي ننڍا ڪاروباري ڪري وقت پاس ڪنداسون. هنن چيو ته اسان نوجوانن کي پڙهايو وڏا وڏا ڊاڪٽر هندو برادري جا نوجوان ٿيا ملڪ جي خدمت ۾ مصروف عمل رهيا پر اهو اسان سان ڇو پيو ڪيو وڃي جڏهن به هندن سان مسئلو ٿئي ٿو ته اسان کي خوش ڪرڻ لاءِ حد جي ايس ايڇ او کي معطل ڪري خوش ڪيو ويندو آهي هنن گهر ڪئي ته تحفظ ڏنو وڃي