PrintClose
20-10-2017

ڏهرڪي(ن سوڀ) اوٻاوڙو جي خانپور پاڙي جي رهواسڻ روزينا سومرو پنهنجي پيرسن ماءُ اربيلي سومرو سان گڏجي احتجاجي مظاهرو ڪندي صحافين آڏو دانهيندي چيو ته منهنجي 9 سال اڳ مائٽ واحد بخش سان شادي ٿي هئي، مڙس مان ٻن ٻارن مزمل ۽ محمد مدثر جو اولاد پڻ آهي پر شادي جي ٽن سالن بعد مڙس مختلف طريقن سان تنگ ڪري مارڪٽ ڪندو هو ۽ گذريل ڪجهه مهينن کان بدپيشو ڪرائڻ لاءِ اسرار ڪرڻ لڳو جنهن بعد منهنجي انڪار ڪرڻ تي هن مون کي گذريل ڏينهن گهر جي ڪمري ۾ بند ڪري وحشياڻو تشدد ڪري ٽن مهينن جو حمل ضايع ڪرڻ سميت هٿ جي آڱر پڻ ڀڃي ڇڏي آهي، منهنجي رڙين تي پاڙي وارن جي پهچڻ تي مڙس بيهوشي واري حالت ۾ ڦٽو ڪري فرار ٿي ويو، جنهن بعد منهنجي فرياد تي اوٻاوڙو پوليس پنج جوابدارن واحد بخش،توفيق،حافظ صديق سميت پنج ڄڻن مٿان ڪيس داخل ڪري هڪ ڄڻي توفيق سومرو کي گرفتار ڪري لاڪ اپ ڪري ڇڏيو آهي، آئون قتل جي خوف کان ڏهرڪي جي جونگ ڪالوني ۾ رهندڙ ڀاءُ غلام علي سومرو ۽ ماءُ اربيلي سومرو وٽ پناهه ورتي آهي، مڇريل مڙس واحد بخش منهنجي ڀائرن جي گهر تي چڙهائي ڪري مونکي ٻن معصوم ٻارن مزمل ۽ محمد مدثر سومرو سميت قتل ڪرڻ جي ڪوشش ڪئي، هن چيو ته مون کي ۽ معصوم ٻارن کي وحشي مڙس واحد بخش سومرو کان جان جو خطرو آهي.کيس گرفتار ڪري تحفظ ڏنو وڃي.