PrintClose
20-10-2017

مدئجي (ن سوڀ) مدئجي ڀرسان ڳاهيجا ٿاڻي جي حد توربند اسٽاپ ڀرسان سکر -لاڙڪاڻو روڊ تي تيز رفتار ڪار روڊ ڪراس ڪندڙ  8 ورهين جي معصوم نينگري خديجا چاڪراڻي کي زوردار ٽڪر هڻي زخمي ڪري ڇڏيو، جنهن بعد معصوم ٻارڙي روڊ تي تڙپي تڙپي فوت ٿي وئي، اهڙو اطلاع وارثن کي ڏنو ويو، جنهن بعد وارثن ۽ پوليس پهچي معصوم ٻارڙي جو لاش کڻائي تعلقي اسپتال مدئجي پهچايو، جتي لاش پوسٽ مارٽم بعد وارثن حوالي ڪيو ويو، جيڪي لاش ڳوٺ الهورايو ٻرڙو کڻائي ويا، اسپتال ۾ موجود فوتي نينگري جي وارثن جو چوڻ هو ته معصوم نينگري ٺري ميرواهه مان ڳوٺ الھورايو ٻرڙو مامي جي گهر گهمڻ آئي هئي، جيڪا روڊ ڪراس ڪري رهي هئي ته ڪار جو ٽڪر لڳڻ سبب موقعي تي فوت ٿي وئي.