PrintClose
20-10-2017

حيدرآباد (بيورو رپورٽ) حيدرآباد ۾ پورهيت پلازه جي لفٽ مشين جي در ۾ ڦاسي پيو، ڳچي ڪٽجڻ سبب ٿڏي تي ئي فوت ٿي ويو، تفصيل موجب حيدرآباد جي ڪينٽ ٿاڻي جي حد صدر واري علائقي ۾ هڪ پلازه جي لفٽ ۾ 30 ورهين جو تيمور پلازه ۾ لفٽ ۾ داخل ٿيڻ وقت ڳچي لفٽ مشين ۾ ڦاسي پئي، جنهن سبب نوجوان ڳچي ڪٽجڻ ڪري ٿڏي تي فوت ٿي ويو، اطلاع تي پوليس پهچي وئي، جنهن نوجوان جو لاش کڻائي سول اسپتال پهچايو، جتي ضروري ڪارروائي بعد وارثن حوالي ڪيو ويو، پوليس موجب فوتي نوجوان لطيف آباد جو رهواسي هو، جيڪو رنگ جي ڪم لاءِ صدر جي علائقي ۾ آيل هو.