PrintClose
20-10-2017

قبو سعيد خان (ت ر) قبو سعيد خان جي ڳوٺ نيو فياض آباد جو رهواسي اسلام آباد ۾ انفارميشن ڊپارٽمينٽ ۾ ڊيوٽي ڪندڙ 25 ورهين جو ضمير حسين بروهي اسلام آباد مان ڳوٺ ايندي پنجاب جي شهر ڊيرا غازي خان لڳ ڪوچ ڪلٽي ٿيڻ سبب موقعي تي فوت ٿي ويو، اهڙي اطلاع تي وارث ڊيرا غازي خان پهچي فوتي جو مڙهه وصول ڪري ڳوٺ کڻي آيا، فوتي جو لاش گهر پهچڻ تي ڪهرام مچي ويو، فوتي جي جنازي نماز ۾ پ پ ڊويزنل جنرل سيڪريٽري مير اعجاز علي بروهي، وارڊ نمبر هڪ مان چونڊيل ميمبر امتياز علي بروهي، ڪسٽم آفيسر نظير احمد بروهي، صحافين عبدالخالق کوسي، خادم حسين بروهي، محمد ايوب کوسي، گهنور بروهي، ممتاز علي بروهي، مير اختر عزيز کوسي ۽ عبدالمالڪ کوسي سميت سياسي سماجي تنظيمن، صحافين ۽ شهرين وڏي انگ ۾ شرڪت ڪئي، فوتي ضمير حسين جو مڙهه سوين آلين اکين سان اباڻي قبرستان نيو فيض آباد ۾ مٽيءَ ماءُ حوالي ڪيو ويو.