PrintClose

ڪراچي(نمائندن وٽان)مختلف شهرن ۾ عيد راشن الائونس لاءِ فرنچائيز ۽ دڪان مالڪن پاران ڪٽوتي، عورتن جي تذليل، مظاهرا، ان سلسلي ۾ سنڌ حڪومت پاران بي آءِ ايس پي وٽ رجسٽرڊ 18 لک عورتن کي 2 هزار عيد الائونس طور ڏيڻ واري قسط اچڻ بعد عورتون دربدر ٿي ويون آهن، بائيو ميٽرڪ جي لازمي تصديق واري شرط بعد فرنچائيز ۽ دڪاندارن عورتن کي ٻنهي هٿن سان ڦرڻ شروع ڪري ڇڏيو آهي، ان سلسلي ۾ مختلف شهرن مان ملندڙ معلومات مطابق فرنچائيزن ۽ دڪانن آڏو 2 هزار رپين واري ڪارڊ تي عورتن کان 2 کان 3 سئو رپيا اڳواٽ وٺندڙ ايجنٽ سرگرم ٿي ويا آهن، جڏهن ته هزارين عورتون دڪانن آڏو بيهي بيهي واپس موٽڻ لڳيون آهن، هوڏانهن ڄامشوري،خانپور مهر ۽ بدين ۾ ايجنٽ سرگرم ٿي ويا آهن، جنهن بعد عورتن کي 2 هزار واري ڪارڊ تي 15 سئو رپيا ادائيگي ڪئي پئي وڃي، هوڏانهن شهرن ۾ هزارين عورتن جي رش سبب ٽرئفڪ جام جا مسئلا پڻ وڌي ويا آهن، متاثر عورتن سياڻي، صفوران، لطيفان ۽ ٻين احتجاج ڪندي چيو آهي ته حڪومت نوٽيس وٺي پئسن جي وصولي ۾ آساني ڪري.