PrintClose

ڪراچي (اسٽاف رپورٽر) ڪراچي ۾ سنڌ پروگريسو ڪاميٽي پاران گم ٿيل ماڻھن جي بازيابي لاءِ  ڪراچي پريس ڪلب آڏو احتجاجي مظاهرو ڪيو ويو، احتجاج جي اڳواڻي ڪندڙن حريف چانڊيي، يوسف مستي خان، امان الله شيخ، سعيد بلوچ ۽ ٻين چيو ته پنهل ساريي سميت سنڌ مان کنڀي گم ڪيل سمورن ماڻھن کي فوري طور بازياب ڪيو وڃي، ملڪ جي آئين موجب صوبائي حڪومت جو فرض آھي ته هو شهرين جي جان ۽ مال جو تحفظ ڪري، هنن مطالبو ڪيو ته گم ڪيل ماڻهن جو جيڪڏهن ڪو ڏوهه آهي ته کين عدالت ۾ پيش ڪيو وڃي، هنن صوبائي حڪومت کان مطالبو ڪيو ته اها گم ٿيل ماڻھن جي بازيابي لاءِ پنهنجو ڪردار ادا ڪري.