PrintClose
20-10-2017

اسلام ڪوٽ (رپورٽ: سجاول بجير) اسلام ڪوٽ پريس ڪلب آڏو ٿرڪول بلاڪ ٽو جي گوڙاڻي ڊيم خلاف متاثرين ڪالھه 365 هين ڏينهن تي ديوالي جي ڏهاڙي به ڪئمپ تي ڏيئا ٻاري احتجاج ڪيو ويو، جتي ڳوٺاڻن ڀيمراج ميگهواڙ، مڪيش ميگهواڙ، ملوڪ ميگهواڙ، لاکو ڀيل ۽ ٻين ڏياري ڏينهن به ڊيم خلاف احتجاج ڪيو ويو، جتي احتجاج ڪندي ڳوٺاڻن چيو ته گوڙاڻو ڊيم هڪ آفت آهي، جنهن کي ڪنهن به صورت ۾ قبول نه ڪيو ويندو، اسان جي جدوجهد کي هڪ سال مڪمل ٿي ويو آهي پر انصاف ناهي مليو، ڪمپني ڏينهون ڏينهن مسئلا پيدا ڪري تنگ ڪري رهي آهي، اسان اڄ هي ٻئي ديوالي به احتجاج ڪندي ملهائي آهي، عيدون هتي احتجاج ڪندي ملهايون آهن پر ڪير ٻڏڻ وارو ناهي زهريلي پاڻي تباهيون مچائي ڇڏيون آهن، ٻنيون زمينون تباھ ٿي ويون آهن، دانهن ڪير نه ٿو ٻڌي عدالت ۾ انصاف جي اميد آهي 24 آڪٽوبر تي سنڌ هاءِ ڪورٽ ۾ ڊيم ڪيس جي ٻڌڻي آهي، ڊيم جي پاڻي اسان جو پوکيل فصل ٻوڙي لوڙهي ڇڏيو آهي، پاڻي بدبوءِ ڪري ويو آهي، جنهن سبب بيماريون پيدا ٿي ويون آهن، ماڻهو گهرن ۾ ويهي نه ٿا سگهن، ٻئي پاسي اينگرو ڪمپني جي آفيسر فرحان انصاري،ٽائون چيئرمين ڪمليش ڪمار ڪائونسلر آڪاش منجياڻي، ڪائونسلر ڊاڪٽر شنڪر وانڪواڻي، اڳوڻو ناظم گهنشام داس پارواڻي، سيٺ موهن ڪارومل ڪمليش پاڳاراڻي، ڊاڪٽر نهچل داس سريش ڪمار، شاهنواز خاصخيلي، صحافي عبدالغني بجير ۽ ٻين پهچي متاثرين سان يڪجهتي جو اظهار ڪيو ۽ مٺائي کارائي، هوڏانهن پريس ڪلب اسلام ڪوٽ جي صحافين غازي بجير، مبارڪ بجير، اسماعيل بجير، سجاول بجير ۽ ٻين متاثرين سان گڏ ڪئمپ ۾ ويهي يڪجهتي جو اظهار ڪيو.