PrintClose
19-10-2017

ڪنري (ن سوڀ) ڪنري لڳ ميرپورخاص روڊ تي قاضي موڙ وٽ ليڊي ڊاڪٽرياڻي ڪملا جي ڪار ڳوٺ مھر غلام مصطفيٰ جي ھاري گينو ڪولھي جي ستن سالن جي پٽ ڪيلاش ڪمار کي ٽڪر هنيو، جنھن جي نتيجي ۾ ٻار سخت زخمي ٿي پيو، زخمي ٻار کي ليڊي ڊاڪٽر پنھنجي گاڏي ۾ شھر جي ھڪ خانگي اسپتال پھچايو، جتي ھو علاج دوران زخمن جا سور نه سھندي فوت ٿي ويو، ليڊي ڊاڪٽر سامارو مان ڊيوٽي ختم ڪري ڪنري پنھنجي گھر اچي رھي ھئي، جڏھن ته فوت ٿيل ٻار پنھنجي پيءُ سان گڏ شھر مان ديوالي ملھائڻ لاءِ نوان ڪپڙا ۽ سامان خريد ڪري رڪشي مان لھي پنھنجي گھر وڃي رھيو ھو ته اوچتو ڪار ٽڪر ھنيو، پرائيويٽ اسپتال پھچائڻ بعد ڊرائيور ڪار ڇڏي فرار ٿي ويو، ھوڏانھن لاش کي پوسٽ مارٽم لاءِ تعلقي اسپتال ڪنري آندو ويو، لاش گھر پھچڻ تي ڏياري جون خوشيون ماتم ۾ بدلجي ويون ۽ گھر ۾ ڪھرام مچي ويو، پوليس ڪار کي تحويل ۾ وٺي ڊرائيور جي ڳولا شروع ڪري ڇڏي آھي، جڏھن ته آخري اطلاعن تائين واقعي جو ڪيس داخل نه ٿي سگهيو ھو.