PrintClose
20-10-2017

ور شهر (ن سوڀ) ذوالفقار علي ڀٽو جو ساٿي جهونو پ پ اڳواڻ سومار بجلي ميربحر جو ننڍو ڀاءُ 7 ٻارن جو پيءُ مولانا الله بچايو ميربحر ور شهر مان سامان وٺي گهر وڃي رهيو هو ته پٺيان کان تيز رفتار ايندڙ موٽرسائيڪل جي ڌڪ لڳڻ ڪري سخت زخمي ٿي بيهوش ٿي پيو، جنهن کي نازڪ حالت ۾ علاج لاءِ ڪراچي جناح اسپتال نيو ويو، جتي زخمن جا سور نه سهندي فوت ٿي ويو، مرحوم جو مڙهه ڪراچي کان ور شهر ڳوٺ سومار بجلي آندو ويو ته گهر ۾ روڄ راڙو مچي ويو، مرحوم الله بچايو ميربحر 4 پٽن ۽ 3 نياڻين جو پيءُ هو، رابطو ڪرڻ تي وڏي ڀاءُ سومار بجلي ميربحر ٻڌايو ته اسان جي ڪنهن سان به دشمني ناهي، اتفاقي روڊ حادثي ۾ سندس ڀاءُ فوت ٿيو آهي، جنهن ڪري ڪنهن خلاف ڪيس داخل ناهي ڪرايو ويو.