PrintClose

مٺي (ڊ ر) سول اسپتال مٺي ۾ ويم لاءِ آيل عورت ٻار سميت فوت، وارثن جو احتجاج، خبر موجب سول اسپتال مٺي ۾ علاج جون دعوائون ۽ ٻيڻي بجيٽ ھئڻ باوجود ڪا به سهولت نه هئڻ ڪري چار ٻارن جي ماءُ ڳورهاري عورت 40 سالن جي شريمتي پاروتي زال جڳو ڀيل کي رات دير سان سول اسپتال مٺي ۾ ايمرجنسي ۾ ڊليوري لاءِ داخل ڪيو ويو، ڊاڪٽر ۽ ڊاڪٽرياڻين جي مبينا بي ڌياني ڪري عورت جو ٻار ڊليوري ٿيڻ بعد فوت ٿي ويو، جڏهن ته شريمتي پاروتي به ڊليوري کان ٻن ڪلاڪن بعد تڙپي تڙپي فوت ٿي وئي، وارثن سندس مڙس جڳو ڀيل، ڪامريڊ دودو آري ۽ ٻين احتجاج ڪندي چيو ته اسان غريب هئڻ ڪري سول اسپتال مٺي ۾ آياسين، جتي ڊاڪٽرياڻين ۽ ھر ٽيسٽ ٻاهران ڪرائڻ ۽ ڊليوري به پرائيويٽ اسپتال مان ڪرائڻ جو چيو ۽ چيو ته دوائون ٻاهران اسٽورن تان وٺي اچو، اسان غريب هئڻ ڪري ٻاهران دوائون نه وٺڻ ۽ علاج نه ڪرائي سگهڻ ڪري سرڪاري ۾ داخل ٿياسين، جتي ڪو به سهولت نه هجڻ ڪري منهنجي گهرواري فوت ٿي وئي آھي، آئون وس وارن کي اپيل ٿو ڪريان ته مٺي اسپتال جي غيرذميوار ڊاڪٽرياڻين خلاف ڪارروائي ڪري اسان سان انصاف ڪيو وڃي.