PrintClose
20-10-2017

جهرڪ (ن سوڀ) حيدرآباد ۾ ڪارساز  جي شهيدن کي ڀيٽا پيش لاءِ ضلعي ٺٽي جي عوام وڏي تعداد ۾  جلسي ۾ شريڪ ٿي، جلسي کي ڪامياب بڻائي مخالفن جون وايون بتال ڪري ڇڏيون، ٺٽي جي عوام جون پ پ سان هميشه محبتون رهيون آهن، 2018ع جي عام چونڊن ۾ پ پ پوري ملڪ مان کٽي بلاول ڀٽو زرداري کي وزيراعظم بڻايو ويندو، اهڙن خيالن جو اظهار ضلعي ٺٽي جي پ پ اڳواڻ سردار گل محمد سمون جهرڪ ۾ صحافين سان ڳالهائيندي ڪيو، هن ٺٽي ۽ جهرڪ شهر جي عوام جا ٿورا مڃندي چيو ته ضلعي ٺٽي جي عوام هميشه پ پ سان نڀايو آهي ۽ اڳتي به ملهائندي رهندي، هن چيو ته حيدرآباد ۾ ٿيل ڪارساز جي شهيدن جي ياد ۾ جلسي ۾ سوين گاڏين جا قافلا  ۽ ھزارين ماڻهن اسان جي اڳواڻي ۾ جلسي ۾ شريڪ ٿيا، هن وڌيڪ چيو ته پ پ شهيدن جي پارٽي آهي، شهيد هميشه زندهه آهن، شهيدن جي پارٽي کي ڪير به ختم نٿو ڪري سگهي، مخالف ڀلي ڪيتري به ڪوشش ڪن پر شهيدن جي پارٽي کي ختم نٿا ڪري سگهن ۽ نه ئي ڀٽو کي عوام جي دل مان ڪڍي سگهن ٿا، هن چيو ته انشاءَ الله 2018ع جي چونڊن ۾ سڄي ملڪ مان پ پ ڪامياب ٿي بلاول ڀٽو زرداري کي ملڪ جو وزيراعظم بڻايو ويندو۔، ان موقعي پ پ  جا اڳواڻ ڄام سلطان، شاهد گل سمون ۽ ٻيا اڳواڻ  پڻ موجود هئا۔.