PrintClose

خيرپور(ڊ ر) خيرپور ۾ معذورن جي تنظيم آل اسپيشل پرسن ويلفيئر ايسوسيئيشن پاران معذورن ۾ راشن، ڪپڙا ۽ عيد جي خرچي ورهائڻ واري تقريب کي خطاب ڪندي پ پ ايم اين اي نواب خان وساڻ چيو آهي ته نواز شريف جي سياست جو قصو پورو ٿيڻ وارو آهي، هن چيو ته نواز شريف ادارن ۾ ٽڪراءُ واري سياست ڪري پاڻ کي بچائڻ جي ڪوشش پيو ڪري، ماضي ۾ به هن سپريم ڪورٽ تي حملو ڪرائي آئين ۽ قانون جي ڀڃڪڙي ڪئي، هن چيو ته اسان سدائين آئين ۽ قانون جي پاسداري ڪئي آهي، عيد کانپوءِ حڪومت کي ٽف ٽائيم ڏئي عوامي طاقت سان ڪامياب ٿي بلاول ڀٽو زرداري کي وزير اعظم ڪنداسين.ان موقعي تي محمد علي ڦلپوٽي، غلام رضا شيخ، محمد شعبان، غلام جعفر اڄڻ ۽ ٻين به خطاب ڪيو، نواب وساڻ گاگڙي ڳوٺ پهچي نصرالله سولنگي سان والد، گلشير سولنگي سان ڏاڏي ۽ ڪنب ۾ لطيف تمراڻي جي پونئيرن ۽ منظور ميمڻ سان ڀاءُ جي وفات تي تعزيتون ڪيون.