PrintClose
21-10-2017

جده (آن لائن) سعودي عرب جي قومي ايئر لائين 27 سالن بعد عراق لاءِ سڌوسنئون اڏامن جي ٻيهر شروعات ڪري ڇڏي. غير ملڪي ميڊيا مطابق سعودي عرب 27 سال اڳ عرب عراق جنگ سبب بغداد لاءِ معطل ڪيل سڌوسنئون اڏامن جي ٻيهر شروعات ڪري ڇڏي. سعودي عرب طرفان عراق لاءِ سڌوسنئون سستي اڏام جي ٻيهر شروعات کي ٻنهي ملڪن وچ ۾ لاڳاپن جي بهتري جي حوالي سان اهم قدم چيو پيو وڃي. سعودي عرب جي نيشنل ايئر سروس ڪي سي اي او بندر المحنه طرفان جاري ڪيل بيان ۾ چيو ويو آهي ته اسان وڏي جدوجهد بعد برادر ملڪ عراق لاءِ سستين اڏامن جي شروعات ڪري ڇڏي آهي ته جيئن ٻنهي پاڙيسري ملڪن وچ ۾ 27 سالن کان معطل ٿيل معاشي ۽ سماجي لاڳاپا ٻيهر کان شروع ٿين. سعودي عرب جي قومي اڏام جي عراق لاءِ سول ايوي ايشن جي ميڊيا ڊائريڪٽر عباس الحفاجي ٻڌايو ته بغداد لاءِ 27 سالن بعد پهرين اڏام ويندي. ان کان علاوه سعودي عرب 1990ع ۾ عراق طرفان ڪويت تي حملي بعد بند ڪيل سرحد کي ٻيهر کولڻ جي رٿابندي به ڪري رهيو آهي. اها سرحد 1990ع کان بند آهن ۽ رڳو حج لاءِ سعودي عرب ويندڙن لاءِ ان سرحد کي کوليو ويندو آهي.