سومر 22 آڪٽومبرر 2018ع

احمد شهزاد جي هڪ دفعو ٻيهر قومي ٽيم ۾ واپسي جو امڪان

ويب ڊيسڪ: اسلام آباد: قومي ٽي ٽوئنٽي ڪرڪيٽ ٽورنامنٽ جي غير معمولي ڪارگردگي کان پوءِ اوپننگ بيٽسمين احمد شهزاد هڪ ڀيري ٻيهر سليڪشن ڪميٽي جي نظرن ۾ اچي ويو ۽ ٽيئن اوپنر جي حيثيت سان مضبوط اميدوار آهي. تنهن هوندي پاڪستان ٽي ٽوئنٽي ٽيم ۾ جاءِ ٺاهڻ لاءِ کيس هيڊ ڪوچ مڪي آرٿر طرفان حتمي منظوري گھربل آهي. احمد شهزاد ٽي ٽوئنٽي ۾ شامل ٿي سگھي ٿو تنهن هوندي اظهر علي جي مڪمل فٽ ٿيڻ کان پوءِ سندس ون ڊي ٽيم ۾ شموليت جا امڪان ناهن. احمد شهزاد ڪارگردگي کان سواءِ ڪيتري ئي مسئلن جو شڪار آهي. سليڪٽرز جو خيال آهي ته قومي ٽي ٽوئنٽي ڪرڪيٽ ٽورنامنٽ ۾ هن جنهن تيزي سان بيٽنگ ڪئي آهي ڇا هو اهڙي بيٽنگ انٽرنيشنل ميچن ۾ به ڪري سگھندو. ذميوار ذريعا ان ڳالهه جي تصديق ڪن ٿا ته احمد شهزاد پاڪستاني ٽيم ۾ جاءِ برقرار رکڻ ۾ ڪامياب ٿي ويندو تنهن هوندي جيڪڏهن احمد شهزاد ٽيم ۾ شامل ٿيندو ته مڊل آرڊر بيٽسمين صهيب مقصود جو ڪيس ڪمزور پئجي ويندو ۽ سندس واپسي مشڪل ٿي ويندي.