ڇنڇر 21 جولائي 2018ع

سنڌ هاءِ ڪورٽ ڪراچي ۾ وڌندڙ اسٽريٽ ڪرائيم تي ڊي جي رينجرز ۽ آءِ جي سنڌ کان جواب طلب ڪري ورتو

اسٽاف رپورٽ: ڪراچي: سنڌ هاءِ ڪورٽ ڪراچي ۾ وڌندڙ اسٽريٽ ڪرائيم تي ڊي جي رينجرز ۽ آءِ جي سنڌ کان جواب طلب ڪري ورتو. ڪراچي ۾ وڌندڙ اسٽريٽ ڪرائم جي خاتمي لاءِ سنڌ هاءِ ڪورٽ ۾ هڪ درخواست داخل ڪئي وئي جنهن ۾ موقف اختيار ڪيو ويو آهي ته شهر ۾ اسٽريٽ ڪرائم ۾ خطرناڪ حد تائين واڌ ٿي چڪي آهي، ڦريل موبائيل فون پوليس جي سرپرستي ۾ وڪرو ڪيا پيا وڃن جڏهن ته سي پي ايل سي ڦريل موبائيل فون بلاڪ به نٿي ڪري. عدالت درخواستگذر جي اپيل ٻڌڻ کانپوءِ سنڌ جي چيف سيڪريٽري، ڊي جي رينجرز، آءِ جي سنڌ، گهرو سيڪريٽري، سي پي ايل سي چيف ۽ سمورن ڊي آءِ جيز سميت ٻين ڌرين کان جواب طلب ڪري ورتو آهي، جڏهن ته عدالت سمورين ڌرين کي 10 جنوري تائين جواب جمع ڪرائڻ جو حڪم ڏنو آهي.