ڇنڇر 21 جولائي 2018ع

جرمن شهرين آمريڪي صدر ٽرمپ کي اتر ڪوريا ۽ روس کان وڏو خطرو قرار ڏئي ڇڏيو

ويب ڊيسڪ: برلن: جرمن شهرين آمريڪي صدر ٽرمپ کي اتر ڪوريا ۽ روس کان وڏو خطرو قرار ڏئي ڇڏيو. تازي سروي مطابق جرمن شهري ملڪي پرڏيهي پاليسي جي حوالي سان آمريڪي صدر ڊونلڊ ٽرمپ کي اتر ڪوريا، روس ۽ ترڪي کان وڏو خطرو سمجهن ٿا. ڪيوربر فائونڊيشن جي ان سروس ۾ هڪ هزار پنج بالغ جرمن شهرين کان راءِ ورتي وئي، جنهن ۾ تقريبن 56 سيڪڙو ماڻهن آمريڪا سان لاڳاپن کي خراب يا تمام خراب قرار ڏنو. 26 سيڪڙو شهرين سياسي پناهه جي درخواست گذارن جي ايڏي وڏي تعداد ۾ ملڪ جي موجودگي ۽ ان مسئلي کي منهن ڏيڻ لاءِ ملڪي صلاحيت بابت خدشن جو اظهار ڪيو.