سومر 22 آڪٽومبرر 2018ع

اڄ دشمنن مسلمانن خلاف هڪ نئون منصوبو شروع ڪيو آهي: ايران

ويب ڊيسڪ: تهران: ايراني صدر حسن روحاني آمريڪا طرفان يروشلم کي اسرائيل جو راڄڌانو تسليم ڪرڻ واري امڪاني اعلان کي ”مسلم دنيا“ خلاف نئين رٿابندي قرار ڏئي ڇڏيو آهي. ايراني صدر جي ويب سائيٽ تي جاري ڪيل پيغام موجب اڄ دشمنن مسلمانن خلاف هڪ نئون منصوبو شروع ڪيو آهي ۽ هنن قدس (يروشلم) جي آزادي جي عظيم مقصد کي نشانو بڻايو آهي. اهڙن خيالن جو اظهار هن تهران ۾ ٿيل ٽن ڏينهن واري اسلامي يڪجهتي ڪانفرنس ۾ شرڪت ڪندڙن سان ڳالهائيندي ڪيو. حسن روحاني جو چوڻ هو ته قدس مسلمانن ۽ فلسطين جو آهي، اها اهڙي جاءِ ناهي، جتي ڪير ماڻهن جي سوچ ۽ جذبن خلاف بيهڻ جي ڪوشش ڪري. اها خطي ۾ عالمي تڪبر جي نئين مهم آهي. هوڏانهن فلسطينين ان عمل کي وچ اوڀر ۾ امن لاءِ موت قرار ڏنو آهي. اطلاعن موجب آمريڪا جون اعليٰ اختياريون پرڏيهي وزارت کي حڪم ڏينديون ته آمريڪي سفارتخاني کي تل ابيب کان يروشلم منتقل ڪرڻ جو عمل شروع ڪيو وڃي، جڏهن ته ڊونلڊ ٽرمپ طرفان ان فيصلي جي تصديق جو به امڪان آهي.