اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

حيدرآباد جي سماجي ورڪرن پاران شهر ۾ پيئڻ جي پاڻي جي کوٽ خلاف احتجاج

حيدرآباد(سوڀ نيوز) حيدرآباد جي سماجي ورڪرن پاران شهر ۾ پيئڻ جي پاڻي جي کوٽ خلاف ڪالهه حيدرآباد پريس ڪلب سامهون احتجاجي مظاهرو ڪيو ويو، ان موقعي تي اڳواڻن محبوب ابڙو، سيد حسنين شاهه، شهباز رند ۽ ٻين چيو ته واسا اختيارين جي نااهلي سبب شهر ۾ پيئڻ جي پاڻي جو شديد بحران پيدا ٿي ويو آهي، اڪثر علائقن ۾ پاڻي جي فراهمي بند ٿيڻ سان عوام عذاب ۾ مبتلا ٿي ويو آهي، هنن چيو ته پاڻي جي بحران ۾ ٽينڪر مافيا کي سرگرم ڪيو ويو آهي، جيڪا عوام کي ٻنهي هٿن سان لٽي رهي آهي، هنن چيو ته غريب ماڻهو پاڻي جي حاصلات لاءِ دربدر آهن، انهن کي پاڻي فراهم ڪرڻ لاءِ ڪنهن به قدم ناهن کنيا، هنن وس وارن کان مطالبو ڪيو ته معاملي جو نوٽيس وٺي حيدرآباد شهر ۾ پاڻي جي فراهمي کي يقيني بڻايو وڃي.