جمعو 17  آگسٽ 2018ع

انيل ڪپور کي رئيس 3 جي شوٽنگ دوران جيل وڃڻو پئجي ويو

ويب ڊيسڪ: ممبئي: بالي ووڊ اداڪار انيل ڪپور کي سزا ملي وئي، جنهن بعد کيس جيل پهچايو ويو آهي. بالي ووڊ اداڪار انيل ڪپور پنهنجي ڪيريئر ۾ ڪيتريون ئي ڪامياب فلمون ڏئي چڪو آهي ۽ هاڻي هڪ ڀيرو هو بلاڪ بسٽر فلم سيريز ريس جي سيڪوئل ريس 3 جو حصو بڻجي رهيو آهي. اداڪار جي جيل ويندي اها تصوير اصل فلم جي سين جو حصو آهي. تصوير ۾ هو قيدي جي روپ ۾ نظر اچي رهيو آهي، جيڪڏهن اداڪار فلم ۾ ڏوهه ڪيو آهي ته اهو فلم ڏسي ئي معلوم ٿيندو. فلم ريس 3 ۾ دبنگ اداڪار سلمان خان، بوبي ديول ۽ جيڪولين فرنينڊس به ڪردار ڪندي نظر ايندا، جڏهن ته انيل ڪپور جي ٽيون ڀيرو انٽري تي سلمان خان چيو ته انيل ڪپور جي اچڻ سان ريس 3 جي ڪاسٽ اڃا وڌيڪ بهترين ٿي وئي آهي.