اربع 23 مئي 2018ع

اشتهارن ۾ روڊ ٺاهڻ سان قومون ناهن بڻجنديون: عمران خان

ويب ڊيسڪ: پشاور: تحريڪ انصاف جي چيئرمين عمران خان تقريب کي خطاب ڪندي خيبرپختونخواهه ۾ جيڪو ڪجهه حاصل ڪيو ويو اهو ڪنهن صوبي ۾ نه ڪيو ويو ۽ اشتهارن ۾ رستا ٺاهڻ سان ڪا قوم ناهي بڻجندي. هن جو وڌيڪ چوڻ هو ته سسٽم جي بغير ملڪ ترقي نه ٿو ڪري ۽ ميرٽ اتي هوندي آهي جتي ادارا مضبوط هوندا آهن، اڄ اسان جي صوبي ۾ پوليس جو ڪم بهترين آهي جڏهن ته شريف ڀائر 19 سالن کان حڪومت ڪري رهيا آهن پر پنجاب جي پوليس کي ڏسو. هن پنهنجي خطاب ۾ چيو ته خيبرپختونخواهه ۾ ميرٽ تي آءِ جي پوليس کي مقرر ڪيو ويو ۽ مون کي ڪي پي پوليس ڏسي خوشي ٿيندي آهي، ڊيرا اسماعيل خان ۾ ناري سان زيادتي جي 11 مان 10 جوابدارن کي بروقت گرفتار ڪيو ويو پر قصور ۾ 12 ٻارڙن کي زيادتي کانپوءِ قتل ڪيو ويو اڄ تائين وارثن کي انصاف ناهي ملي سگهيو. تحريڪ انصاف جي چيئرمين چيو ته پاڪستان کي الله تعاليٰ وسيلن سان مالامال ڪيو آهي جيڪڏهن بيوروڪريسي جي ترغيب ڏني وڃي ته اها ڪم ڪري سگهي جيڪو نجي ادارا به نه ٿا ڪري سگهن، ايندڙ سيزن ۾ خيبرپختونخواهه ۾ سياحت جون 4 جايون کولينداسين.