اربع 23 مئي 2018ع

ايل او سي جي ڀڃڪڙي: ڀارتي قائم مقام ڊپٽي هاءِ ڪمشنر پرڏيهي آفيس طلب

ويب ڊيسڪ: اسلام آباد: پرڏيهي کاتي پاڪستان ۾ مقرر موجوده ڀارتي ڊپٽي هاءِ ڪمشنر کي طلب ڪري لائن آف ڪنٽرول ( ايل او سي) تي فائرنگ ۽ جنگ بندي جي ڀڃڪڙين تي سخت احتجاج ڪيو. پرڏيهي کاتي جي ترجمان موجب ڊائريڪٽر جنرل ( ڊي جي) ڏکڻ ايشيا ڊيسڪ ڊاڪٽر فيصل ڀارتي موجوده ڊپٽي هاءِ ڪمشنر کي طلب ڪري احتجاج ڪيو. ترجمان موجب 11 جنوري تي ڪوٽ ڪٽيرا سيڪٽر تي ڀارتي فورسز جنگ بندي معاهدي جي ڀڃڪڙي ڪئي ۽ ڀارتي بربريت جي نتيجي ۾ 65 سالن جي عورت حسين بي بي شهيد ٿي وئي. ترجمان موجب هلندڙ سال 12 ڏينهن دوران ڀارتي فورسز 70 ڀيرا ايل او سي تي جنگ بندي جي ڀڃڪڙي ڪئي ۽ سندس ڀڃڪڙين جي نتيجي ۾ هڪ شخص شهيد ۽ 5 سخت زخمي ٿيا. پرڏيهي کاتي جي ترجمان جو پنهنجي بيان ۾ وڌيڪ چوڻ هو ته گذريل سال ڀارتي سيڪيورٽي فورسز 1900 ڀيرا جنگ بندي معاهدي جي ڀڃڪڙي ڪئي.