اربع 23 مئي 2018ع

آمريڪا جي هڪ واحد شهر ۾ صرف هڪ شخص رهيل

ويب ڊيسڪ: نيويارڪ: مونووي ۾ ڀليڪار، اهو آمريڪا جو واحد باقاعدا شهر آهي جتي 2010ع جي آمريڪي آدمشماري جي تحت صرف هڪ شخص رهيل آهي. اها شخصيت هڪ عورت ايلسي آئلر جي آهي جيڪا ان علائقي جي ميئر، ڪلرڪ، دڪاندار، لائبريرين، واحد ٽيڪس گذار ۽ پاڻ پنهنجو ئي ٽيڪس جمع ڪرائڻ واري آهي. هوءَ هر سال ميئر جي چونڊن جو بورڊ لڳائيندي آهي، پوءِ پاڻ پنهنجو پاڻ کي ووٽ ڏئي چونڊيندي آهي، هوءَ هر سال 500 ڊالر ٽيڪس پنهنجو پاڻ کي ادا ڪري پاڻي ۽ بجلي جو خرچ ادا ڪندي آهي. هوءَ مونووي جي شهر جو درجو برقرار رکڻ لاءِ سمورا ڪاغذ جمع ڪرائيندي رهندي آهي. ان جي خواهش آهي ته اهو شهر آباد رهي ۽ انسانن جي بغير ڪنهن ڀوت نگري يا گهوسٽ ٽائون ۾ تبديل نه ٿي وڃي. ايلسي ٻڌايو ته جڏهن مان شراب ۽ تماڪ ڇڪڻ جو ساليانو لائسنس نئون ڪرائيندي آهي ته اهو لائسنس ڳوٺ جي سيڪريٽري جي نالي ايندو آهي جيڪا مان ئي آهيان پوءِ مان ان تي ڪلرڪ بڻجي صحيحون ڪندي آهيان ۽ ان کي شراب خاني جي مالڪياڻي کي ڏيندي آهيان جيڪا مان ئي آهيان. سال 1930ع جي ڏهاڪي تائين هتان جي آبادي 150 ماڻهن تي ٻڌل هئي ۽ هتي ريل به اچي بيهندي هئي، هتي ڪيترن ئي دڪانن، جاين سميت هڪ جيل به موجود هو. ايلسي جي ملاقات هڪ شخص سان ٿي جڏهن هوءَ پرائمري اسڪول ۾ پڙهائي رهي هئي ۽ ان سان ئي ان جي شادي ٿي وئي. ان کانپوءِ هوءَ آمريڪي ايئرفورس ۾ ڀرتي ٿي وئي ۽ ڪوريا جي جنگ ۾ حصو ورتو، ان کانپوءِ ڪنساس شهر منتقل ٿي جتان جي ايئرلائن ۾ شامل ٿي وئي ۽ ايئر هوسٽس بڻي.