جمعو 17  آگسٽ 2018ع

ايشوريا راءِ بچن هالي ووڊ اداڪارائن جي جنسي هراسمينٽ خلاف مي ٽو مهم جي حمايت ڪري ڇڏي

ويب ڊيسڪ: لنڊن: بالي ووڊ جي اڳوڻي عالمي سونهن راڻي ايشوريا راءِ بچن هالي ووڊ اداڪارائن جي جنسي هراسمينٽ خلاف مي ٽو مهم جي حمايت ڪري ڇڏي آهي. ميڊيا مطابق برطانوي اخبار کي ڏنل هڪ انٽرويو ۾ ايشوريا راءِ خاموشي سان پنهنجي فلم انڊسٽري ۾ به عورتن جي مسئلي تي راءِ ڏني آهي. ايشوريا راءِ جو چوڻ هو ته جنسي هراسمينٽ خلاف عورتن آواز اٿاري بهادري جو ڪم ڪيو آهي. جڏهن ته منهنجي خيال ۾ جنسي هراسمينٽ هڪ ملڪ يا خطي تائين محدود مسئلو ناهي. هن چيو ته عورت سمجهوتو ڪرڻ تي شرمنده آهي ته ان جو سٺو حل آواز بلند ڪرڻ هجي ٿو، ۽ هن وقت عورتون ڳالهائي رهيون آهن. هن چيو ته جنسي هراسمينٽ خلاف جدوجهد کي شوبز دنيا کان ٻاهر آڻي ٻين کي پڻ گڏ کنيو وڃي.