ڇنڇر 20 آڪٽومبرر 2018ع

هانگ ڪانگ ۾ ڊبل ڊيڪر بس اونڌي ٿيڻ سان 19 ڄڻا فوت، 60 کان وڌيڪ زخمي

ويب ڊيسڪ: هانگ ڪانگ: هانگ ڪانگ ۾ ڊبل ڊيڪر بس اونڌي ٿيڻ سان گهٽ ۾ گهٽ 19 ڄڻا فوت ۽ 60 کان وڌيڪ زخمي ٿي پيا. پوليس خطرناڪ انداز ۾ بس هلائڻ جي الزام ۾ ڊرائيور کي حراست ۾ وٺي ڇڏيو. حادثي واري هنڌ جي تصويرن ۾ امدادي ڪارڪنن کي ڏسي سگهجي ٿو، جيڪي بس اندر ڦاٿل مسافرن کي ڪڍڻ جي ڪوشش ڪري رهيا هئا. رپورٽن مطابق بس ترڪي رستي ڪناري نصب بجلي جي کنڀي سان ٽڪرائڻ بعد اونڌي ٿي پئي ۽ ٿنڀو بس جي مٿين منزل اندر گهڙي ويو، پوليس ڊرائيور کي حراست ۾ وٺڻ بعد ان تي غير ذميواراڻي طريقي سان ڊرائيونگ ڪرڻ ۽ مسافرن جي مارجڻ جو سبب بڻجڻ جا الزام آهن. اسپتلا انتظاميا چيو آهي ته زخمين مان هڪ ڄڻي جي فوت ٿيڻ بعد فوتين جو انگ 19 ٿي ويو، ميڊيڪل اسٽاف ٻڌايو ته 10 زخمين جي حالت نازڪ آهي.