اربع 23 مئي 2018ع

ڏکڻ آفريڪا ۾ سياسي بحران، صدر کي عهدو ڇڏڻ لاءِ 48 ڪلاڪن جي مهلت

ويب ڊيسڪ: ڪيپ ٽائون: ڏکڻ آفريڪا جي حڪمران پارٽي آفريڪن نيشنل ڪانگريس پنهنجي ئي چونڊيل صدر جيڪب زوما کي عهدو ڇڏڻ لاءِ 48 ڪلاڪن جي مهلت ڏني آهي. جيڪب زومان ڪرپشن اسڪينڊلز، معيشت جي بدحالي ۽ بيروزگاري ۾ اضافي جهڙن الزامن کي منهن ڏئي رهيو آهي جنهن تي اپوزيشن وقت کان اڳ چونڊن جو مطالبو ڪيو آهي. جيڪب زوما 2009ع ۾ اقتدار سنڀالڻ بعد ٻه ڀيرا صدر چونڊجو آهي ۽ ايندڙ سال سندس صدارت جو مدو پورو ٿي رهيو آهي. ٻئي طرف حڪمران پارٽي جي سربراهه سرل رامافوسا صدر زوما جي رهائشگاهه تي ملاقات ڪئي ۽ 3 ڪلاڪن تائين ڳالهين دوران کيس عهدو ڇڏڻ تي قائل ڪرڻ جي ڪوشش ڪئي پر صدر زوما عهدو ڇڏڻ کان صاف انڪار ڪري ڇڏيو. واضح رهي ته آفريڪن نيشنل ڪانگريس جي سربراهه هڪ هفتو اڳ صدر جيڪب زوما کي عهدو ڇڏڻ جو حڪم جاري ڪيو هو پر صدر زوما پارٽي جي نيشنل ايگزيڪيوٽو ڪميٽي کي چيو ته کيس ڪجهه مهينا وڌيڪ مهلت ڏني وڃي جنهن کي پارٽي اڳواڻن رد ڪري ڇڏيو. سرڪاري ٽي وي وي ايس اي بي سي مطابق حڪمران پارتي جي ايگزيڪيوٽو ڪميٽي صدر جيڪب زوما کي اقتدار کان ڌار ٿيڻ لاءِ 48 ڪلاڪن جي مهلت ڏني آهي، ايگزيڪيوٽو ڪميٽي جو چوڻ آهي ته جيڪڏهن صدر عهدو نه ڇڏيو ته سندس خلاف پارليامينٽ ۾ بي اعتمادي جي رٿ آندي ويندي.