ڇنڇر 22  سيپٽمبر 2018ع

پيپلزپارٽي جي سيٽ تي ڪاميابي ماڻيندڙ سينيٽر ڪرشنا ڪولهي ٿر جي روايتي لباس ۾ حلف برداري لاءِ ايوان ۾ آئي

ويب ڊيسڪ: اسلام آباد: پاڪستاني پارليامينٽ جي مٿئين ايوان يعني سينيٽ جي 52 نون سينيٽرن اڄ حلف کنيو، ان موقعي تي پيپلزپارٽي جي ٽڪيٽ تي عورتن جي سيٽ تي ڪاميابي ماڻيندڙ سينيٽر ڪرشنا ڪولهي ٿر جي روايتي لباس ۾ حلف برداري لاءِ ايوان ۾ آئي. ڪرشنا سان گڏ سندس والدين به حلف برداري واري تقريب ڏسڻ لاءِ سينيٽ هال ۾ آيا، انهن کي به ٿري لباس پهريل هو. ان موقعي تي ميڊيا سان ڳالهائيندي ڪرشنا ڪولهي چيو ته کيس تمام گهڻو فخر محسوس ٿي رهيو آهي ۽ هوءَ پنهنجي ڪميونٽي کي اڳتي آڻڻ جي ڪوشش ڪندي. هن چيو ته پاڪستان جي تاريخ ۾ پهريون ڀيرو اسان کي نمائندگي ملي آهي. ان سان گڏوگڏ هن سينيٽ جي ٽڪيٽ ڏيڻ لاءِ پيپلزپارٽي جي قيادت خاص طور تي بلاول ڀٽو زرداري جو ٿورو به مڃيو.