اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

سنڌي ٻوليءَ جي بااختيار اداري پاران 2017ع ۾ سنڌي ادب جي مختلف صنفن تي ڇپيل بهترين ڪتابن تي ايوارڊ ڏيڻ جو اعلان

حيدرآباد (بيورو رپورٽ) سنڌي ٻوليءَ جي بااختيار اداري پاران 2017ع ۾ سنڌي ادب جي مختلف صنفن تي ڇپيل بهترين ڪتابن تي ايوارڊ ڏيڻ جو اعلان ڪيو آهي. بورڊ آف گورنرس پاران جوڙيل ايوارڊ ڪميٽي جي ميمبرن، ليکڪن ۽ پبلشرن پاران موڪليل ڪتابن کي معزز جج صاحبان ڏانهن موڪلڻ کانپوءِ ججن جي فيصلي کي سامهون رکندي 2017ع جي مختلف صنفن جي ڪتابن کي ايوارڊ ڏيڻ جو اعلان ڪيو آهي. ايوارڊ ڪميٽي معزز ميمبرن محترم شوڪت حسين شورو، محترم انور فگار هڪڙو ۽ محترمه شبنم گل تي مشتمل آهي. اداري جي ترجمان پاران جاري ڪيل پڌرائي موجب ”ٻولي ۽ لسانيات“ جي موضوع تي ڊاڪٽر شازيه سفير جي ڪتاب ”شاهه لطيف جي شاعري جو لسانياتي اڀياس“، تحقيق ۽ تنقيد جي صنف تي مختيار احمد ملاح جي ڪتاب ”اڻويهين صديءَ جي سنڌي نثر جي تاريخ“، ناول تي دادلي ناصر زهراڻي جي ڪتاب ”دنيا دم دريا“، ڪهاڻي جي صنف تي شبنم گل جي ڪتاب ”خالي هنج جو ڏک“، ترجمي جي موضوع تي انعام شيخ جي ڪتاب ”پرمانند ميوارام“، سوانحي ادب تي عبدالقادر منگي جي ڪتاب ”جو ئي آهيان سو ئي آهيان“، شاعري جي صنف تي ادل سومري جي ڪتاب ”نيرولي جو خواب“ ۽ ٻاراڻي ادب تي ياسر قاضي جي ڪتاب ”لولو ڏنم ڪانءُ کي“، معزز ججن پاران 2017ع جي ايوارڊ لاءِ نامزد ڪيا ويا، پڌرائي موجب عيد کانپوءِ جلد تقريب ڪوٺائي ايوارڊ ڏنا ويندا. ٻئي طرف سنڌي ٻوليءَ جي بااختيار اداري ۾ تازو ئي مقرر ٿيل سيڪريٽري محترمه شبنم گل پنهنجي ايوارڊ تان دستبرداري جو اعلان ڪندي چيو ته: جنهن وقت معزز جج صاحبان منهنجي ڪتاب بابت فيصلو ڪيو ان وقت آءٌ اداري جي سيڪريٽري نه هئيس، هن وقت اداري ۾ بطور سيڪريٽري ذميواريون نڀائي رهي آهيان تنهن ڪري ان ايوارڊ تان دستبردار ٿيڻ جو فيصلو ڪيو آهي.