اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

ڪراچي ۾ شيعه تنظيمن پاران فلسطين تي اسرائيل جي قبضي خلاف احتجاج ڪيو ويو

ڪراچي (اسٽاف رپورٽر) ڪراچي ۾ شيعه تنظيمن پاران فلسطين تي اسرائيل جي قبضي خلاف احتجاج ڪيو ويو. ان ڏس ۾ آزادي القدس تحريڪ پاران ڪراچي ۾ نمائش چورنگي کان فلسطين جي حمايت ۾ مارچ ڪيو ويو، جنهن ۾ عورتن ۽ ٻارن جي وڏي انگ شرڪت ڪئي جن وٽ فلسطين، حزب الله، حماس جا جهنڊا ۽ محبوب اڳواڻن جو تصويرون هيون. يوم القدس جي موقعي تي اڳواڻن خطاب ۾ چيو ته دنيا ۾ جاري بربريت، ظلم جي اهم سبب امريڪا ۽ اسرائيل آهن، فلسطين ۾ اسرائيل 70 سالن کان انسانيت جي تذليل ڪري رهيو آهي، انسانيت جي قتل و غارت ذريعي پنهنجي ناجائز رياست کي تسليم ڪرائڻ خاطر انساني حقن جي سنگين خلاف ورزي ڪري رهيو آهي ان باوجود اقوام متحده خاموش تماشائي بڻيل آهي، او آئي سي کان امت مسلمه مايوس ٿي چڪي آهي، اڳواڻن وڌيڪ چيو ته اسرائيل جو ناپاڪ وجود امن عالم لاءِ خطرو آهي، سندس ناجائز وجود کي ڪو به غيرت مند انسان تسليم نه ڪندو.