اڱارو 22 جنوری 2019ء
**تازه ترين**اسلام آباد: ساهيوال سانحي تي عوام جو ڏک ۽ ڪاوڙ کي جائز آهي** ذميوارن کي مثالي سزا ڏني ويندي: وزير اعظم عمران خان** مان قوم کي يقين ڏياريان ٿو ته منهنجي قطر جي دوري تان واپسي تي نه رڳو واقعي جي ذميوارن کي واقعي جي سزا ڏني ويندي پر پنجاب پوليس جي سموري ڍانچي جو جائزو وٺڻ بعد سڌارن جو عمل شروع ڪنداسين: وزير اعظم عمران خان** لاهور: ساهيوال واقعي جي شروعات جاچ ۾ قتل جو ذميوار سي ٽي ڊي اهلڪارن کي قرار ڏنو ويو آهي** لاهور: ساهيوال واقعي جي جي آءِ ٽي رپورٽ سڀاڻي اچي ويندي ۽ ان تي ايڪشن کڻي ڏيکاريندس: وزير اعليٰ پنجاب** اسلام آباد: راؤ انوار کان وٺي ساهيوال سانحي تائين جعلي مقابلن جو خاتمو اسان جو فرض آهي: وفاقي وزير شيرين مزاري**اسلام آباد: العزيز ريفرنس: نواز جي اپيل ۽ سزا معطلي جي درخواست تي نيب کان جواب طلب**

سپريم ڪورٽ ڪراچي ۾ اشتهاري ڀتون ڪِرائڻ جو حڪم ڏئي ڇڏيو

ويب ڊيسڪ: ڪراچي: سپريم ڪورٽ ڪراچي ۾ اشتهاري ڀتون ڊاهڻ جو حڪم ڏيندي هاڻي اشتهاري مقصدن لاءِ ڀتون ٺاهڻ تي پابندي مڙهي ڇڏي آهي. سپريم ڪورٽ ڪراچي رجسٽري ۾ چيف جسٽس پاڪستان جي سربراهي ۾ شهر ۾ اشتهاري ڀتون ٺاهڻ بابت درخواست تي ٻڌڻي ٿي. درخواستگذار موقف اختيار ڪيو ته شهر خاص ڪري ڪنٽونمينٽ بورڊز ۾ ڀتون ٺاهيون پيون وڃن، ايف ٽي سي سامهون ڀت ٺاهي شهر جي خوبصورتي کي ختم ڪيو ويو آهي ۽ هنڌ هنڌ تي اهڙيون ڀتون ٺاهيون پيون وڃن. چيف جسٽس ٻڌڻي دوران ڪراچي ڪنٽومينٽ بورڊ جي سي اي او کي طلب ڪيو ۽ پڇاڻو ڪيو ته ٻڌايو ته ڪنهن اهڙيون ڀتون ٺاهيون؟ سي اي او ڪراچي ڪنٽومينٽ عدالت کي ٻڌايو ته ڪجهه ڀتون دفاعي مقصدن لاءِ ٺاهيون ويون، ڪنٽومينٽس اشتهاري ڪمپنين کي نوٽيس جاري ڪيو آهي. چيف جسٽس ثاقب نثار چيو ته نوٽيس سان ڪجهه نه ٿيندو، ڪارروائي ڪريو. عدالت شارع فيصل سميت سمورن شاهراهن تان اشتهاري ڀتون ڊاهڻ جو حڪم ڏنو ۽ ان حوالي سان 10 ڏينهن اندر رپورٽ به طلب ڪري ورتي آهي.