جمعو 17  آگسٽ 2018ع

تحريڪ انصاف پاران ممتاز ڀٽو کي ملڪي سطح تي يا سنڌ ۾ اهم ذميواري سونپڻ جو امڪان

ڪراچي (اسٽاف رپورٽر) پي ٽي آءِ اڳواڻ اڳوڻو وڏو وزير ممتاز علي ڀٽو اڄ آچر تي صبح جو اسلام آباد لاءِ روانو ٿيندو، اسلام آباد پهچي پي ٽي آءِ سربراهه عمران خان سان ملاقات جو امڪان آهي، ذريعن جو چوڻ آهي ته ممتاز ڀٽو کي ملڪي سطح تي يا سنڌ ۾ اهم ذميواري سونپڻ جو امڪان آهي، هو ڏانهن مليل ڄاڻ موجب پاڪستان تحريڪ انصاف جي اڳواڻ سردار ممتاز علي خان ڀٽو چيو آهي ته هن چونڊ کانپوءِ اهڙو منظر نظر اچي رهيو آهي جو اڳي ڪڏهن به ظاهر نه ٿيو. هاڻي هڪڙا پنهنجي ڪاميابي جا جشن ملهائي رهيا آهن ته ٻئي طرف وري ڌانڌلين جي شڪايت ڪندڙ احتجاج ڪري رهيا آهن، هن چيو ته سياست سچائي ۽ ايمانداريءَ تي ٻڌل هوندي آهي پر هِتي اُها ڪوڙي سياست ملڪ جو ٻيڙو ٻوڙي رهي آهي.