سومر 22 آڪٽومبرر 2018ع

وينزويلا جي صدر تي حملي جي سازش ۾ ملوث 6 ڄڻا گرفتار

ويب ڊيسڪ: ڪراڪس : وينزويلا جي گهرو وزير نيسٽور ريفيرول دعويٰ ڪئي آهي ته صدر نڪولس ميدورو تي ڊرون جهازن جي مدد سان قاتلاڻي حملي ۾ ملوث 6 ڄڻن جي حراست ۾ ورتو ويو آهي. عالمي سڌ سماءُ وارن ذريعن موجب گهرو وزير جو چوڻ آهي ته صدر تي حملي جي سازش ۾ ملوث 6 دهشتگردن کي گرفتار ڪيو ويو آهي ۽ انهن کان پڇا ڳاڇا جاري آهي. واضع رهي ته وينزويلا جي صدر نڪولس ميدورو گذريل ڏينهن هڪ ڊرون حملي ۾ ذري گهٽ بچي ويو هو پر ان حملي ۾ 7 فوجي زخمي ٿيا.